懒外佣无放狗 屋企惊现20笃屎 一理由反闹雇主：咁少事都要嘈 擅自决定放长假更离谱......｜Juicy叮
发布时间：15:42 2026-09-17 HKT
有不幸的雇主近日在网上痛斥家中外佣偷懒不放狗，导致屋内惊现20笃狗屎。问罪时更被外佣以一理由驳嘴反闹：「咁少事都要嘈」。更令雇主崩溃的是，外佣平日工作散漫，日前甚至先斩后奏擅自决定放圣诞长假，嚣张态度惹起全网雇主不满。详情见下图及下文：
懒外佣无放狗 屋企惊现20笃屎 一理由反闹雇主：咁少事都要嘈 擅自决定放长假更离谱......逐张睇↓↓↓↓
屋企惊现20笃屎
楼主早前（13日）在社交平台Threads以「工人姐姐」为题发帖，分享自己「寻晚返到屋企，4只狗屙咗20笃屎」，心知不妙下「Check返个cam（闭路电视）真系冇放狗」。
今朝楼主质问对方时，外佣直认「系，冇放」，并以「你话鬼节唔好出街」为由辩解。楼主直斥对方在鬼节期间明明「日日带啲狗落街、行山，夜一夜都唔返屋企煮饭」，怒轰对方「宜家你讲紧咩」，对外佣的荒谬借口感到极其无赖与劳气。
更令楼主气愤的是，外佣随即反客为主发脾气，大声喝斥楼主「你够啦，我今日放假，咁少事你都要嘈，你平时成日好多要求，我都冇话过你」。
楼主直言「大佬，佢已经hea（散漫）到乜」，平时「一日都唔使煮到一餐，净系放狗、执屋，仲要都唔系真系好干净，我都冇嘈过佢」。
楼主最后向外佣下达通牒，表明如果想辞职就「俾一个月通知我，唔好喺度发神经」，并透露对方已「先斩后奏买咗机票放圣诞节假，逼我同意」。
网民力劝即炒
贴文引来网民热烈讨论，网民大都替楼主抱不平，力劝楼主「炒啦」、「直接赔钱炒」以及「未经同意放假就系旷工啦，炒得」。
有网民好言相劝，提醒楼主「小心狗的生命危险」，直言将这么多狗只交托在这种人手上极度危险。
网民认为外佣态度恶劣，直言「工人啲态度反应成个废老公咁，咁多人质狗质喺佢手，最好换咗佢啦」。也有网民大叹聘请工人真的非常无奈，直言「真系畀钱买难受」。
有人特别提醒楼主「佢煮嘢你敢唔敢食」，劝楼主「一系直接赔钱炒，一系和气啲啦」。
资料来源：norest_combo＠Threads
相关阅读：
请工人凑仔就要揸颈就命？ 死忍黑面全能外佣8年成日闹交 港妈决心换人结局意想不到
公屋外佣跳槽中产家庭 现雇主呻爆：离职前变脸「咁样」驳嘴 网民点出拒交戏残酷真相
满分女外佣惊爆双面生活 偷著男雇主衣服「做一事」 苦主崩溃想炒 老婆竟反常护航？
