印佣版灰姑娘廿岁女来港体验人生辞职回乡嫁飞机师网民：唔好睇小姐姐｜Juicy叮

更新时间：11:15 2025-10-12 HKT
发布时间：11:15 2025-10-12 HKT

有「印佣版灰姑娘」来港打工体验人生。当地一名廿来岁的女子以佣工身份来港工作数年后，突然向雇主要求提早完约回乡结婚，嫁的原来是一名飞机师。雇主还透露这位幸福印佣，原来已拥有农场、咖啡豆园和可可豆田。详情见下图及下文：

印佣版灰姑娘廿岁女来港体验人生辞职回乡嫁飞机师网民：唔好睇小姐姐逐张睇↓↓↓↓

楼主：担心佢网恋俾人呃

楼主早前在社交平台Threads以「工人姐姐」为题发帖，讲述这件喜事：「话说我姐姐做咗几年，突然话要早完约飞返印尼结婚。佢之前有俾过相我哋睇，好靓仔又著机师衫。而我姐姐系天真爱笑嘅2x岁女仔，但做嘢似大小姐，我哋好担心佢网恋俾人呃，点知…」。

楼主续指「佢话个男仔大过佢，由学生期间每个月已经俾3000蚊佢，如果佢返印尼生仔会加码到6000蚊。我听完之后即刻叫佢立刻原地结婚啦，好男人嚟。原来佢只是来体验人生，唔好话楼，人哋已经有农场、咖啡豆园同可可豆田等」。

网民：唔好睇小啲姐姐

回应的网民即时联想到迪士尼经典卡通《仙履奇缘》内的「灰姑娘」，有人更精警地形容「原来姐姐系嚟working holiday（工作假期）」。

在帖文的回应栏，不少网民也排队自爆请著了个背景很不错的工人姐姐，不同故事有不同惊喜，有人直言「有时真系唔好睇小啲姐姐」：

•有时真系唔好睇小啲姐姐，我曾经请过一个姐姐，第一日到埗系拎住部iPad mini（迷你平板电脑），当年刚出1年左右，之后英文劲好，Ielts（雅思国际英语测试，International English Language Testing System）有7分以上，尽心尽力照顾我哋屋企同教仔4年。原来佢一早已经当香港系跳板，会去加拿大做嘢，我哋最后都好唔舍得佢，但都放佢走。6年后嘅今日，佢喺加拿大置业，有一份餐厅经理嘅工作，我都好戥佢开心。

•我姐姐都系！！佢又系有屋有地，佢本身喺印尼读完大学之后做紧护士，但系因为想逃避佢个前夫，所以先过嚟香港做嘢......因为佢前夫𠮶阵时俾我姐姐捉奸在床，我姐姐觉得喺印尼会触景伤情，系咁谂返起𠮶啲嘢，所以决定嚟香港散吓心；

•请过一个有田有地有车有屋，个farm（农场）请人做嘢，不过应该系喺香港赚到钱慢慢逐步买嘅，我仲借钱俾佢买咗块地添，咁平我都想买返块。另一个俾屋企张相我睇，厨房大过我间屋；

•当年我工人姐姐佢自己喺菲律宾间屋系别墅嚟，仲有游泳池，同埋间屋再请咗个工人。另一个工人姐姐大学毕业，本身喺菲律宾做老师，但香港揾多啲就嚟做姐姐，佢每年放假带佢呀妈去欧游；

•我以前有个姐姐又系咁，佢嚟呢度纯粹想避佢奶奶，佢又系好有钱，又有农场又地，之后做咗半年到就返咗去，但我好唔舍得佢，我同佢好好倾，佢系我最钟意嘅姐姐！

•之前个姐姐有屋有地有车乜都有，而佢仲喺香港返工嘅原因系佢觉得呢个系神俾佢嘅任务，要佢照顾有需要嘅人！佢真系成个天使咁好人；

•我上个姐姐都系做咗几个月突然话网上情缘嫁去美国，我都担心佢俾人呃…fb（facebook）见佢依家真系过紧american dream（美国梦）；

•我以前个工人姐姐都系有钱女嚟，平时买餸都话唔使claim（索取）钱；

•我以前有个印尼姐姐都系，听讲佢系军官个女，因为早恋(?) 爸爸唔开心逼佢出嚟体验人生；

•以前有个姐姐都有地有屋，仲问返我哋要唔要买块喺佢隔离；

•我哋嘅姐姐，因为逃避有钱奶奶嚟香港做嘢。

资料来源：sl.mmst_＠Threads

相关阅读：来港菲佣面试过程全曝光对话藏潜规则网民：太可怜↓↓↓↓