港铁站等车疑遇迷晕党港女遭打背脊后惊现一反应网民认出黑衣汉古怪特征｜Juicy叮

更新时间：15:45 2025-08-23 HKT
发布时间：15:45 2025-08-23 HKT

一名女子早前独自在港铁站月台候车时，怀疑被一名黑衣男子打背脊，由于之后出现一反应以致担心遇上了「迷晕党」。网民则凭相片认出这名黑衣怪汉，并能清楚指出他的特征。详情见下图及下文：

港铁站等车疑遇迷晕党港女遭打背脊后惊现一反应网民认出黑衣汉古怪特征逐张睇↓↓↓↓

楼主：佢劲大力打我背脊

楼主上月在社交平台Threads上载港铁荔景站月台上一名黑衣男子的相片发帖，留言指「实时，我而家好Ｘ惊，见到好多人讲有人俾人捉住落药。我啱啱喺葵兴站等车𠮶阵俾佢劲大力打我背脊，然后我上咗车谂住荔景站撇甩佢，点知佢跟住落车系咁喺我附近徘徊」。

及后在回应栏，情况已安全的楼主上载电子报案的证明，并回应网民提问——

•网民：你而家无事吖嘛？有无见头晕啊？
楼主：好彩直到而家我都无晕、唔知心理影响生理，定系真系有事，有啲唔系好俾到反应个frd（朋友）。

•网民：无啦啦咁大力俾人打，你都唔揾人帮手嘅，应该都几痛！？
楼主：𠮶阵stone（石头）咗，唔识俾反应。

•网民：日光日白，你跟住佢全程影住佢，佢自然识惊。
楼主：佢好高好大份，我唔敢你睇我正面都唔敢影。

•网民：好似我上次喺元朗搭西铁见到𠮶个！佢系咪周身郁企唔定㗎？
楼主：系！
网民：我谂系同一个，希望港铁职员可以留意下佢。

•有于翌日留言回应的网民指：我今日都喺荔景站见到呢条友，我落车佢上车，面对面𠮶阵佢行埋嚟一Ｘ嘢拍我手臂。我「喂」佢，佢无反应，我男朋友喺隔篱好大声「喂」多次，佢眼尾都唔望我哋就上咗车。
楼主：可能你哋两个人佢无继续，我𠮶阵得一条友...劲惊...

网民曾遇黑衣汉情节充满戏剧性

接著有网民接连提到曾遇上这名黑衣汉，而且情节充满戏剧性：

•呢个人我喺几个月前机场见过佢，我听到佢劲大声用普通话讲电话，佢喺大陆落嚟走佬嚟香港，话俾公安捉，之后话谂住飞去韩国㖞…

•呢个人系㖊日喺（韩国）济州被「送」返香港，㖊日同佢同一班机返香港，佢坐最后座唔准离开座位，由上机前到落机后都有一个专人escort（护送）佢。

•呢个男人，我喺荃湾西见过两次，第1次KFC（肯德基），自己企喺收银附近食非KFC食物，身上一股劲臭气味，等紧外卖已经远离佢。第2次惠康门口，又系食紧嘢，衣著完全同楼主张相一样，永远揹住大背囊+黑长衫黑裤，大家真系小心。

网民分享遇迷晕党经历

另有不少网民曾亲身遇上，或亲友遇上怀疑迷晕党，也慷慨在回应栏分享：

•朋友中过迷晕党，佢用尽最后嘅力跑入铺头叫佢帮手打999。大家feel（感觉）到有唔妥要用尽力去多人地方求救。

•好耐以前喺深水埗行街试过俾个男人突然捉住再对我喷气，吓到我晕下晕下咁即跑去同朋友讲做咩扔低我，好彩最后无事，得个下少少晕。

•我想话我好细个𠮶阵，30年前，小学𠮶阵，我妈有讲过佢遇过呢啲大陆婆，就系咁落药，佢晕一晕好彩佢无事坚持回家。

•真系要小心吖，我阿妈以前都中过招，30年前到，喺大陆俾人打咗下膊头，之后就完全唔知发生咩事！攞晒啲钱同埋黄金链俾唔知边个，仲走去问我婆婆借钱。

•同以前拍人膊头或者背脊问人「你著咩size（大小）衫」系咪同一招？以前铜锣湾东角劲多呢啲人。知道呢啲系迷晕党，佢问我一句，我闭气即刻走。的确心跳好快，少少头晕。唔知系咪心理作用，我即刻去商场揾个厕所坐底打电话俾屋企人救求，再洗手洗面…

•谂返起我几个月前都试过，有次放学搭地铁返屋企，架车关门𠮶阵有个阿叔冲入嚟，然后好大力拍咗我膊头一下，当时我已经即刻缩开，不过车厢太多人走唔到去第二度。然后我搭咗几个站已经feel（感觉）到成个人好攰同埋有啲头痛，即刻企咗去车门旁边挨住休息吓，虽然最后都无事可以返到屋企，不过第二日即刻大病一场，发烧同埋不停流鼻水。

•两个礼拜前都发生咗同样嘅经历，𠮶阵时搭地铁去佐敦站返拳馆，临近E出口有个妹妹仔个样大概14至16岁睇我行过佢隔篱，突然之间新只手出嚟捉住我件衫，我下意识甩开佢然之后问佢想点样。佢同我讲话无钱，帮佢买车飞返深圳，然后仲慢慢行近我。我feel（感觉）唔对路同埋佢身上嘅咁奇怪嘅气味，不过好彩我有同佢保持差米五至米八距离，最后我同佢讲唔好意思不如你去客务中心揾人帮你，之后就即刻掉头走。

资料来源：ashhuuu_quietk＠Threads

有港女在皇岗口岸疑遇迷晕党，她三度碰到一名男子「企到好埋」，向她借WIFI，不断向她问问题，女事主觉不对劲「调头走」，上到车一除口罩，即「由头晕到尾，差啲倒地」。女事主表示：「如果我唔系戴咗口罩，同有啲警觉调头走，应该畀人揽咗上车。」以下为事发详情↓↓↓↓

↓立即下载星岛头条App↓