葵涌慈父党：BB发烧差几百蚊睇医生 人妻遇骗失财$400 骗徒出一绝招呃埋手机号码｜Juicy叮

「慈父党」在葵涌出没，当街拦截途人求助，扬言BB发烧差几百蚊睇医生，要求出钱帮忙。有好心人妻因为事件失财400大元，事发后已报警，并在网上讲述事件详情警世。

「慈父党」行骗期间，还使出一绝招轻易取得对方手机号码，试图当面诈骗一次后，透过手机以各种借口再骗一次。详情见下图及下文：

慈父党：BB发烧差几百蚊睇医生  好心人妻遇骗失财$400 骗徒出一绝招呃埋手机号码逐张睇↓↓↓↓

「慈父党」要钱银码不断加码

楼主本月18日下午在社交平台Threads以「香港街头骗案」为题，上载手机对话及电子报案截图发帖，以长文讲述事发经过——

「先讲结论，系我蠢，俾人呃咗$400。
8月17日夜晚7:53咗右，我喺葵涌葵俊苑附近遇到一个男人拦我，话佢个仔发烧，要去诊所睇医生，但提款卡俾机吞咗，无现金。
一开始开口要$200，见我愿意帮手之后改口话要$300，仲展示一张BB相，仲话自己系香港人，可以提供身份证明。
3分钟之后再打电话嚟，话诊所要$400，我再俾多$100。
去到夜晚22:20，佢再用WhatsApp打嚟，话个仔入咗医院，要搭的士，再问我攞多$200。我叫佢揾第二个帮佢我无能为力。
成个过程前后矛盾：之前话用唔到网上银行，点解后尾又叫我过钱？
最后我一共损失$400，已经报警。
想用自身经历提醒大家：如果有人喺街度话小朋友发烧差几百蚊睇医生，请即刻拒绝，并建议佢打999。
香港急症室只收$180，就算无钱都唔会拒收，根本唔需要靠陌生人现金。
大家要小心！
好嬲， $400我请老公食烧肉唔好，我课金俾老公唔好。
总之我而家俾人呃咗，希望大家善良得嚟系有警觉。
如果大家睇到呢个案例，觉得唔想做好人嘅唔紧要，唔好害人就得啦。
如果你咁大爱都继续想做好人，希望你做好人嘅时候亦都要提防骗子」。

从对话截图可见，「慈父党」留言「头先感激」，约3分钟后透过语音通话再联络事主。

相关阅读：「还钱党」讲齐个人资料 无厘头屋企楼下追债 醒目女教对付绝招：真系吓到眼泪都出埋

街坊直指「慈父党」是区内惯犯

看过「慈父党」的故事，不少街坊网民心神领会，一口咬定是区内惯犯称，直指「呢个系惯犯嚟，葵涌荃湾都会出现」。接著有街坊排队分享遇骗经历警世：

•葵涌呢个位我两年前试过星期日上昼8点遇过，估唔到揾食揾咗咁多年。

•呢个骗子我都有撞到过！我同佢讲你个细路喺边度，我而家即刻带佢搭的士一齐去，反正我而家得闲，之后佢走夹唔唞！

•点解行街俾人截住，我要停低听佢讲嘢，仲要跟手要拎钱出嚟帮佢？直行直过唔得嘅咩？惊人话你你无礼貌，定会打你？话俾大家知，正正就系葵涌区，好似系葵广附近，就系有人听呢啲骗徒讲嘢，银包拎钱出嚟𠮶阵，就俾人抢。「君子不立危墙」。

•记得年几前喺附近（兴盛路游乐场出面）都遇到类似嘅嘢，话个女做手术，喺医院做手术，佢仲俾咗张身份证影，上面张相都对到𠮶个人个样，最后喺附近银行即场揿$300。10分钟之后佢打嚟同我讲个女要转去第二间医院，要我俾多$500佢搭的士，咁当然就无睬佢啦，最后都报咗警，不过都无乜用。

•我都遇过同一个人！喺葵兴KCC（活@KCC，商场）门口，话个女入咗屯门医院唔够钱坐的士。我话我无现金，佢话附近有银行／Payme佢都可以。佢不停强调自己好急，唔系呃人，叫我影佢身份证。跟住我就无理佢走咗～

•呢个我都遇过，在葵兴𠮶头。唔知楼主系咪都系遇到呢个？

•我都做过类似嘢，系葵芳地铁站借咗$200俾人，已经唔记得点解会借，话第二日俾返我，但第二日同一时间我净系远远睇到背影咋，可能揾下个人啩？

•呢个手法好耐了，𠮶阵3-4年前都系葵芳附近，有个男人话个仔入咗某医院，问我借钱搭的士，事关医院系可以打去查询病人喺边个病房，所以我直接打去𠮶间医院问有无呢个病人，结果医院无佢所讲嘅病人名，收咗佢皮。

•上年都有类此情形，𠮶条Ｘ样系四眼古惑Ｘ，佢同我朋友讲，话佢个女两个月大，有话离婚，老婆走咗，问我个friend（朋友）借500元，呢条Ｘ样七情上面，之后话出街唔记得带锁匙，不过好彩，最后睇电视俾人拉咗，因为剧本一模一样，所以香港再无人做好心，太多呢啲人。

相关阅读：「少女睡衣党」屯门周街开价 问人攞$5做呢样嘢...... 街坊爆3大出没热点

网民奇怪与陌生人交换电话

有网民奇怪对方何解会有楼主的手机号码，于是查问「三唔识七交换电话？」、「但系，点解你会同个陌生人交换电话，仲WhatsApp？」。

楼主回应指「因为佢话听日俾返我，叫我留个电话俾佢，而家点解释都无用，总之就系Ｘ咗，如𠮶识谂嘅话就乜嘢都唔会俾佢了」。网民于是关心「哎呀！Block（拦截）咗佢（电话号码）未？」，楼主醒目地称「Block咗啦，不过俾咗电话出去，可能呢排都有排烦」。

相关阅读：西环变种「呃食党」唔要钱改要ＸＸ 苦主蒙查查破财：我系咪俾人呃咗啊？

网民分享其他遇骗经历

除了「慈父党」，网民也藉这帖文，分享其他遇上骗子的经历一同警世：

•我都试过夜晚10点几喺屯门，俾大陆人问中银喺边，之后又话自己张卡有问题，电子payment（支侍）全部唔得，问我借钱搭车出九龙，我叫佢去警署揾帮手，佢哋即刻话咁小事唔洗揾警察啦，笠水走～我心谂我个样真系似好易呃？！

•我试过喺荃湾愉景新城停车场俾人呃咗一嚿水，我𠮶阵时记得喺架䢂度，条友话唔见咗银包，又赶住去接个孙，无钱出停车场，之后叫我借一嚿水俾佢，𠮶阵时谂住好心帮下人，点知佢俾个电话系假嘅，咁就俾人呃咗一嚿水，自此之后唔会信任何陌生人。

•我都试过类似经历，不过系个大陆人好心急话无钱坐车去机场要赶飞机，佢好诚恳咁讲问我有几多现金，我无现金所以去咗7仔买嘢拎咗$200俾佢～佢问我拎wechat（微信）话过返俾我～不过我本身无用wechat，但照拎咗佢wechat acc（微信户口）~成件事其实我系「试验」心态佢系咪呃人，咁最后都不出所料真系消失咗～我到今日都系同自己讲仍然要有智慧地保持善良，一个衰人唔代表全世界都衰。

•我都试过喺旺角，有个女人好赶急咁话要去机场，问咗我借$200定唔知$400，但系讲紧𠮶阵我只系一个学生。我都觉得自己蠢，点解会仲喺度check（检查）住个户口佢有无过返数俾我。但系过咗去啦，有阵时真系希望帮到人。

•我明，几年前我喺黄埔地铁站，有骗子先攞住10蚊话要唱散纸，跟住又话唔系唱系借$10，跟住又话唔够再借多$7，总共$17。骗子就会利用呢啲心理，见你落搭，呃完又呃，$17当然好少钱，楼主𠮶$400相信你都唔缺。呢件事唔关金额事，被骗徒欺骗，因为自己太善良，谂起都嬲嬲地。

相关阅读：港男罗湖遭「美女党」纠缠实拍全过程 请饮嘢后出事：「佢拉住我唔畀我走！」最后金钱损失咁多

网民感谢楼主警世赞善心

不少网民感谢楼主发文警世，大赞善心，并提醒「唔好俾呢个人嘅错，去影响到你继续做一个善良嘅人」。

•我都住附近，多谢通知。楼主是善心人，上天会补偿你的。

•唔系想安慰你，只系400蚊学费好抵㗎啦，正常上一堂，受用一生㖞。

•唔好咁怪自己，你系善心但俾人利用，老实讲如果我喺徬徨之际有人愿意帮助我，我都会好感激，亦感谢你出post（发帖）提醒骗徒新讲法呃人。

•应该好多人会开口第一句话你，咩你咁蠢㗎？但我希望你要自己知道，我亦要突登咁同佢讲返句，你系一个善良嘅人，量力而为去做善良嘅事嘅你，系无任何嘢做错，唯一嘅错只系呢个呃你嘅人，唔好俾呢个人嘅错，去影响到你继续做一个善良嘅人。

•我觉得第一时间想帮佢都好正常，不过可能遇到类似事件就问佢边间诊所，话直接同佢一齐去诊所俾，睇下佢点回应。我都试过喺大榄隧道转车站遇到个好似地盘佬嘅人话跌咗银包问我「借」$100，俾咗佢又话想要多$100买饭俾个仔食，又叫我交换电话影低身份证之类。我最后都系话无呀，我得$100你唔够都无计，唔想留电话俾佢。佢呃又好真又好，我当自己跌钱算。

另有网民肉紧教路：「其实近年都成日讲好多骗子骗案，讲到口臭，我唔明点解咁多人仲咁易俾人呃？你话系亲人有事会慌张尚能理解，但呢啲三唔识七陌生人一讲钱就知有问题啦，仲要俾佢呃两次，仲要俾个陌生人继续联络你，Ｘ，我讲嘢难听就唔继续讲，总之一句帮佢报警就得啦」。

资料来源：gessicary＠Threads

相关阅读：美女党？两女九龙城撩司机搭顺风车 3男藏身街角疑不轨 事主爆后续↓↓↓↓

美女党出没？有司机分享去年底在九龙城被两名女子，兜搭要求坐顺风车，其后在车cam片发现，有3名男子紧随其后藏身街角，疑似有不轨企图，引发网民热议。事主在「车cam L（香港群组）」FB专页分享这段「细思极恐」的经历，与及后续发展如下↓↓↓↓