东铁大妈踩到细路女发恶大战围攻乘客：「我就系唔say sorry点呀？！」离谱后续曝光｜Juicy叮
发布时间：14:22 2025-08-18 HKT
有网民在东铁列车遇见离谱一幕，有携同小童乘搭列车的大妈，疑上车时踩到一名「细路女」，她拒绝道歉更发恶骂人，扬言「你返去坐头等啰」、「系咁碰碰撞撞㗎啦」，其言行惹起其他乘客公愤围攻。
有网民拍下事件过程及后续如下：
东铁大妈踩到细路女发恶大战围攻乘客：「我就系唔say sorry点呀？！」离谱后续曝光↓↓↓↓
有网民在社交平台发帖表示，在上周三（13日）表示，一名带住小童的拖箧大妈在九龙塘东铁站「嘈到火炭站」，事件起因是该大妈不小心踩到一名「女仔」，「佢不但冇道歉之余，仲反Ｘ返人哋，叫人唔想俾人踩就搭头等」，结果引起其他乘客不满，代该「女仔」出头。
影片中该「女仔」被大大的Emoji遮去样貌，无从判断年龄，在大妈与乘客对骂中，有乘客形容该「女仔」为「细路女」。
大妈：「Ｘ你，咁你返去坐头等」
影片开头该大妈正发恶爆粗大声骂被踩「细路女」：「咁Ｘ恶，我系唔say sorry呀，咁点呀？！」该「细路女」未有出声，该大妈越发愤怒：「Ｘ你，咁你返去坐头等，坐呢到仲咩呀！」
该「细路女」这时说：「你踩到我呀。」大妈继续怒斥：「我踩到你又如何？系咁碰碰撞撞㗎啦，你想点呀？」「细路女」即说：「我系咪可以踩返你呀？」大妈回应道：「你踩啰！我畀你踩！」
细路女：「你咪会打我？」
细路女疑惑地问：「你咪会打我？」大妈说：「我唔会打你，我点会好似你咁无理啫！......short short哋，喂，呢到唔系头等呀，你坐头等呀！」细路女此时以英语回应：「You're being irrational（你不理智）」，大妈更加火爆：「你算Ｘ吧啦，唔好系到讲英文啦！......你算Ｘ吧啦，去坐头等啦。」
此时有多名乘客介入，有人拉走该细路女，并向大妈表示：「唔好嘈啦！好唔好呀！」大妈不甘示弱转为大战其他乘客：「喂，佢闹我先㗎㖞！」有乘客骂道：「你踩到人讲对唔住啦！」
大妈说：「我踩到佢系唔小心！」此时多名乘客不值所为骂道：「你蛮不讲理，你踩到人仲唔讲对唔住！」「你踩到人，仲咩仲闹人哋呀！」「人哋都畀你闹啦！」「收声啦！」「你唔小心唔识讲对唔住呀！」
大妈：「如果系铜锣湾，你直头上唔到车！」
不少乘客多细路女出头，但大妈没有威缩，继续争辩：「肯定有碰碰撞撞㗎啦，大佬，佢闹我先㗎！」「如果系铜锣湾，你直头上唔到车！」
有乘客又警告她根据港铁附例，不可在车厢内讲粗口，大妈闻言说：「系呀？我唔知㖞！真系唔知㖞！唔好成日同我讲英文！」
她其后又强调自己有讲「对唔住」，但即被其他乘客指讲大话：「你边有（讲对唔住）呀？」有乘客怒斥：「人哋已经畀你闹紧，唔出声㗎啦。」大妈反驳：「佢仲恶过我啦！」该乘客怒道：「边个恶呀？咁多人有眼睇！」有乘客又骂她「影衰中国人」。
乘客：「仲要畀你闹，佢细路女嚟㗎」
车厢群情汹涌，但大妈毫无惧色，大声地喊道：「咁肯定有唔小心㗎啦，你坐头等就唔会㗎㖞！」有乘客嘲讽她：「咁你坐头等啦！」大妈即说：「我就系唔坐头等，你踩我都唔会出声！」该乘客说：「仲要畀你闹，佢细路女嚟㗎。」
大妈带著一名小童，该小童全程未有出声，有乘客提醒她留意自己言行，可能对其小孩有负面影响：「你仲带住个小朋友，好家教！」大妈竟回应说：「小朋友？我够系小朋友啰，我老小朋友，傻嘅真系！」
帖文引发热烈回响，网民一面倒直斥大妈无理，并赞赏仗义为细路女出头的乘客：「如果我在场一定Ｘ爆佢，见到就火滚。」「好彩有正义嘅市民帮手。」「成车都有好多明白事理嘅人，X得好！」「呢种人真系不知所谓,希望佢细路唔好学呀。」
来源：Threads＠h.1amct
同场加映：东铁大妈硬坐小童腿上迫让位 再摄成人儿子插坐 小童反应获激赞：有教养↓↓↓↓
