队尾冲前打尖争上巴士 马尾女扬言「排第一」惹公愤 正义港女咁样出手制止｜Juicy叮
发布时间：13:09 2025-07-19 HKT
人人守规矩排队等巴士，遇上「打尖党」时特别令人气愤。一名乘搭往来屯门至铜锣湾长途巴士、扬言自己「排第一」的扎马尾女子，早前便因为从队尾冲前企图打尖上车，惹起排队队伍的公愤，更被一名正义的港女以这方法出手制止。详情见下图及下文：
队尾冲前打尖争上巴士 马尾女扬言「排第一」惹公愤逐张睇↓↓↓↓
楼主：后面十几人一齐X佢
楼主本月5日在facebook群组「屯门公路塞车关注组」上载相片发帖，讲述这名马尾女在铜锣湾962X线巴士（来往屯门龙门居及铜锣湾摩顿台）的打尖情况，指「巴士一开门，佢即冲去队头想上车，俾我一手捉住佢叫佢排队。佢仲ＸＸ咁话佢系排第一......然后我后面十几人一齐X佢」。
楼主续指，马尾女从队尾「冲上嚟当排头位」，并补充「到落车差不多太阳落山，佢都唔除副墨镜）#屯门人团结的力量」。楼主在回应栏补充「由于太多人Ｘ佢，佢上咗上层见唔对路，行返车头𠮶边揾位」。
网民大赞楼主「做得好」
回应的网民大赞楼主「做得好」，并指「啱啊，啲阿伯阿婶好钟意咁样，系要出手推或挡住佢哋就啱」；楼主则现身回应：「大妈阿sim（婶）由女人出手捉啦，唔好俾人机会嗌非礼呀」。但也有谨慎为上的人提醒「你捉住人，可以构成普通袭击」。
网民分享其他打尖恶行
另有不少网民分享自己曾遇上的打尖恶行：
•唔系净系老年人，我几次见后生女仔都打尖；
•260x（来往屯门宝田邨及红磡站巴士线）红桥（站）上都系咁；
•依家真系多咗好多……成日扮傻行到队头，搭䢂又系咁，排队搭车又系咁；
•好多人只眼开只眼闭，得自己出声，啲人觉得你好似怪胎咁，但系我会照样出声 ；
•（楼主）你真系好彩，有人帮拖，我试过无数次无人帮拖，亦都见过无数次啲人都由得呢啲人打尖唔出声；
•其实搭西铁（屯马线）都系咁，好多阿伯阿婶唔排队，企喺最后面，车到就一支箭喺中间摄入去车厢。不过好多人都只眼开只眼闭；
•㖊日我坐261（来往屯门三圣邨及粉岭祥华巴士线）上水都系咁。唔好睇佢哋几十岁拎一袋二袋，其实都好灵活，俾人一厉佢哋就会扮傻问司机嘢......面皮厚到呢，太多数都肯定系惯犯～所以一定要出声！
网民笑言马尾女见到氢能车太兴奋
另有识货的网民查问涉事巴士的款式——「呢部系咪氢能车？」，楼主先回应「女人仔唔识分呀。净系知道系新车。啲胶味仲未清」，及后上载车厢照片指「真系（氢能车）㖞」。于是有网民笑称，马尾女「一定系见到RP866（编按：氢能车车牌）行屯门线兴奋过头忍唔住要冲上车」。
相关阅读：氢能巴士获准行驶隧道标志里程碑
相关阅读：双层氢能巴士启航行驶窝打老道线 将扩展至另外两条九龙市区路线
相关阅读：试坐首辆双层氢能巴士 李家超：全港巴士迷雀跃等「打卡」
资料来源：Jojo Cheung＠facebook
相关阅读：港女饮茶公审熟客唔拎飞打尖 反招网民围插：酒楼潜规则都唔识？↓↓↓↓
有港女在乐富一间酒楼饮茶，拿完飞等位，但结果发现有很多熟客「唔使拿票直接安排入座」，港女发帖公审该酒楼容许公然打尖，竟反招网民围插。不少网民更爆出酒楼饮茶「潜规则」，更扬言港女有得饮茶，「都系因为有呢批打尖嘅熟客」↓↓↓↓
