外婆睇急症哭借$300 好心男中伏后翻睇车Cam 惊揭元朗借钱党早有部署 网民大爆骗子底细｜Juicy叮
发布时间：15:47 2025-07-18 HKT
一名好心男子早前在元朗遇上怀疑「借钱党」，对方扬言外婆入了玛丽医院室急症，但身上无现金，哭著求借300元赶赴探望。事主事后翻睇车Cam，惊揭原来「借钱党」处心积虑，从片段中发现部署方略。
原来「借钱党」在网民间已臭名远播，不少人在留言栏写下自己的中伏经历，有人更加大爆这位怀疑「借钱党」骗徒的底细，指演技劲好，有一样嘢最叻。详情见下图及下文：
外婆睇急症哭借$300 好心男中伏后翻睇车Cam 惊揭元朗借钱党早有部署逐张睇↓↓↓↓
相关阅读：旺角迷晕党疑云以中奖奖券为饵？事主街头遇「熟人」寒喧遇险 网民疑另有企图
楼主：佢话自己唔系坏人
楼主本月12日在社交平台Threads以「锦上路」为题，上载怀疑「借钱党」的相片，和一张7月12日凌晨3时许的车Cam照发帖，指「呢条友，㖊晚凌晨3点几，我入紧村泊好车喺我车隔篱Hi我，跟住喊晒口话佢阿婆入咗急症，玛丽医院，问我借$300，佢无现金，话自己唔系坏人，唔好当佢乞儿，佢话佢唔系。我叫佢转数快俾返我，佢话喺台湾返嚟两个礼拜咩都未整无转数快。
佢话自己喺铜锣湾做发型师，留我电话同留咗个电话俾我，话听日过嚟俾返我，我见佢好眉好貌，又无大陆口音，咁急，又喊晒口就借咗俾佢......」。
楼主续称「今日打佢电话打唔通，我睇返车Cam，原来佢企喺大路边跟住我入村。走上Group（群组）睇先知佢喺呢头呃开人」。接著好心提醒「大家小心啲......㖊晚佢喺锦上路近住石湖磄个路口出没。#呃钱 #锦上路」。
心地好的楼主在回应栏补充「我啱啱收工返到去好攰谂唔到嘢，万一佢真系佢真系见屋企人最后一面就俾咗佢......之后冲完凉谂谂下就先知中伏」、「啲人话佢成日凌晨出嚟揾食，之后去买毒品」。
相关阅读：「神棍党」屯门周街指点迷津 写幸运号码念经后即收钱 网民爆行踪：九龙呢3处都有
苦主排队闹惯犯：佢演技好劲3秒内喊得出
回应的网民原来不少也是苦主，趁机讲述自己的中伏经过，有人甚至形容这位疑似「借钱党」的骗徒「演技好劲 ！3秒内喊得出」。
•左手带住劳力士，夹住个LV成功包，我都中过伏；
•我中过 ！俾咗$200蚊佢 ，佢啲演技好劲 ！3秒内喊得出；
•原来而家转咗场去锦田揾食，之前成日喺沙田呃人钱......；
•我都系，俾咗两嚿水佢，银包仲有$100人民币都攞Ｘ埋；
•我以前都系住八乡，楼主讲𠮶边系真系有呢啲人出现嘅，特别系江夏围𠮶边；
•我唔记得个样，但我都喺锦上路夜晚晚俾人借咗百几，又系话自己做Salon（发廊）；
•佢惯犯嚟，成日呃的士搭，住江夏围，一时又话阿婆撼穿头要入院，一时又话阿婆跌亲；
•我都遇过佢，佢话佢无现金搭车，我话帮佢Call（叫车）可以用app支付嘅车，佢又系都要现金，我话我有大陆微信，你过数俾我先，佢就话唔驶啦，谢谢。喺江夏围。
•你讲起呢样嘢，我就一日喺沙田围搭巴士嘅时候去走过来想喊想喊咁样。可唔可以借佢$100？我话你攞张身份证俾我影低，跟住佢就走咗啦，见到呢幅相我都先谂起，佢啲屋企人成日都唔舒服。
•我都车过佢，好彩唔系远锦上路去锦田西铁站，惊死人唔知佢带只劳，系咁喺我面前样，去到先话无钱要入去揿，20几蚊都呃，跟住一去无回头，隔咗一个星期又俾我见到佢，我话你上次20几蚊未俾，跟住死死气俾返我，我都算好彩。
•我都俾过呀，佢喊晒口呀，话问个个司机，人人都当佢乞衣咁。阿嫲有事入咗医院，要即刻去揾佢，但银包留咗喺公司，我同屋企人俾咗$500佢，佢再问可唔可以俾多$200，佢电话无钱打唔通，我哋见男人老狗喊到咁凄凉，都信以为真。
•我都遇过，又系我泊完车喺车场门口拍我，又系一样对白，又话自己住乜乜花园，我叫佢去地铁站揾警察帮你，跟住无理佢走咗，过咗几日喺江夏围村食饭，喺村口食烟又见到佢，之后我就跟住佢睇下佢去边，见到佢行入村，条友住江夏围村......
于是有网民感慨「桥唔怕旧，最紧要受」，并提醒「报警啦」。
资料来源：kitlun＠Threads
相关阅读：「美女党」透视装袭油塘 街头四出问男人索钱 街坊驱赶竟被嚣张反击↓↓↓↓
油塘街头出现疑似透视装「美女党」，女成员晚上穿著一身性感喱士透视装，四出向男途人索钱，有街坊拍片追击驱赶，反被「美女党」嚣张反击：「你没有权力拍我！」。据拍片街坊表示，该女子「见男人就问男人攞钱」，已「攞咗五、六个」↓↓↓↓
