「借钱党」变抢钱贼 4「游客」借钱不遂葵涌广场对出疑强抢港男50元 猖狂细节吓坏网民｜Juicy叮
发布时间：11:23 2025-07-05 HKT
有「借钱党」骗徒怀疑由骗财变成明抢的贼人。一名港男日前在葵涌广场对出，怀疑被借钱不遂的4名「游客」跟踪并当街从钱包强抢50元。事主友人在网上讲述案件详情，细节猖狂得吓坏网民。详情见下图及下文：
「借钱党」变抢钱贼 4「游客」借钱不遂葵涌广场对出疑强抢港男50元逐张睇↓↓↓↓
楼主：夹硬抢咗50蚊
楼主本月3日在社交平台Threads以「警世文」为题发帖，指「朋友啱啱5点左右喺葵广遇到所谓游客借钱，朋友喺条街大叫都比人抢。见到有街坊拍片，想求好心人如果有嘅话可唔可以sd（传）比我。比人夹硬上手抢银包抢咗50蚊，4个30-40（岁）东北口音，朋友系男嘅都比人抢」。
表明已报警的楼主在回应栏补充事情细节：
•直接银包抢钱呢单嘢真系好癫；
•开头话借钱，跟住我个friend（朋友）死都话冇啦，跟住一路跟住我个friend。我个friend冇为意，因为𠮶个时段葵芳真系好多人。跟住系跟到佢去小巴站，咁我个friend排队嘅，事前就谂住攞定银包睇下有冇带卡，跟住𠮶4个男人喺后面讲「你咪有钱啰」，直接喺佢银包掹走$50，跟住跑走，我个friend反应唔切；
•朋友等紧车嘅时候攞银包出嚟，跟住原来𠮶4个男人本身就已经跟住佢行，朋友冇为意，因为𠮶段时间葵芳真系好多人。跟住佢一拎个银包出嚟，其中两个男人就话「你咪有钱啰」，跟住另外两个即刻掹走佢张$50；
•佢仲要系啱啱放学，仲要其实葵涌广场呢个时段真系唔系少人。但系我朋友本身系男嘅，同埋佢都打开拳，比较大只都，冇谂到佢会出事。4个围1个男嘅；
•𠮶4个真系走得太快，朋友都未load（加载）得切就已经出咗事；
•可能𠮶时听到我朋友倾紧电话系讲广东话。算啦，我哋都喺度讲破财挡灾，唔系唔系迷魂香，就当赢；
•求share（分享），朋友话当破财挡灾，人冇事就当赢，希望咁多位都可以小心。
相关阅读：「神棍党」屯门周街指点迷津 写幸运号码念经后即收钱 网民爆行踪：九龙呢3处都有
网民：同抢劫冇分别
网民了解细节后形容情况「咁样同抢劫冇分别」、「去到抢咁严重！！之前都系偷！！」、「而家借钱党都变抢钱党，出街都要小心啲」。
还有不少人排队在回应栏自爆类似经历：
•我就收铺都比人抢走咗份饼，话冇人拎就食埋；
•其实葵兴石荫都有，开头以为问路，点知开口话肚饿，即走；
•之前我都遇过，我一般都系讲英文扮傻听唔明，或者话帮佢报警；
•最经典一次揿揿下钱有个人行埋来，成身烂衫问我借钱，𠮶下吓亲……拎住盒肉话买完无钱，𠮶下劲惊；
•上星期先喺荔枝角遇过，有位女士用普通话讲微信支付用唔到，系都要我请佢食饭。好彩𠮶时无拎银包出嚟；
•我都有遇过，喺葵芳地铁站隔篱嘅巴士站，4、5个人行过嚟话冇晒港币，可唔可以请佢哋食饭。我当场答话冇钱，叫佢哋揾地铁站职员帮手；
•几年前试过有一次有个大陆女人问我话唱散纸，当下蠢咗冇为意⋯⋯做好心拎住啲散纸出嚟谂住同佢唱$100，点知俾佢劲快咁样一手攞咗啲钱之后跑走咗⋯⋯ 𠮶下呆咗几秒唔识反应⋯⋯不过劲嬲啰。
资料来源：candy_lcy＠Threads
相关阅读：机场疑现偷箧党揾小童落手事主亲述险被偷窃过程第一次遇到咁嘅事↓↓↓↓
有网民今年初从日本回港，在机场行李输送带前等箧时，行李险被一小童「误取」，她的朋友其后发现该小童，疑似与一成年女子同行，而「佢哋根本唔系等箧」，怀疑有人利用小童伺机偷窃行李。
该网民在社交平台Threads发帖，讲述当时的过程，其后亦有网民透露1月机场等行李时，行李亦曾险被偷走，详情如下↓↓↓↓
