搬雪柜咁高大件货物大埔大叔夹硬上巴士赖死唔走发恶手指指咁样闹人｜Juicy叮

更新时间：15:46 2025-07-04 HKT
发布时间：15:46 2025-07-04 HKT

大埔一名大叔早前搬运雪柜咁高的大件货物，怀疑夹硬推上巴士后赖死拒绝落车，期间更发恶手指指闹人。涉嫌违规的举动被网民围攻，有知情人士更大爆大叔的惨惨下场......详情见下图及下文：

搬大件货物雪柜咁高大埔大叔硬上巴士赖死唔走发恶手指指咁样闹人逐张睇↓↓↓↓

楼主：搞咁耐都唔会搭到巴士

楼主6月29日在facebook群组「大埔 TAI PO」上载短片和相片发帖，指「今日71S富善方向，搭的士都系30蚊咗右，阿叔你搞咁耐都唔会搭到巴士啦」。相中见到大叔带著雪柜咁高，以纸皮箱盖著的大型货物在车站候车，短片则是大叔上巴士后，在车头司机位旁赖死的画面。

在长约13秒的短片中，大叔正在与人对骂，边闹「影咩相啫！多X余嘅你咁影相法，一阵差佬嚟到告X埋你添呀！」边手指指，对方则反驳大叔「啱啦，影佢啱㗎啦」、「告吖告吖！睇下边个告边个！」，最终，大叔以「系呀」作回应后，便直勾勾盯著镜头无再说话；而大叔身旁当时正站有巴士公司职员。

网民：雪柜咁大过分咗

回应的网民对大叔视巴士如货车，抬大件货物乘搭的举动都感到愕然，你一言我一言地批评：

•雪柜咁大咁就过分咗啲；
•咁都得，下次叫佢搬埋张床上巴士喇；
•咁有力气演说，不如自己拉去目的地好过；
•咁都得，有咗开头就大把人咁做㗎啦！司机哥哥做得对；
•边有可能咁大箱上巴士呀，做得装修就call货Van啦（叫客货车）；
•佢除咗阻碍乘客，仲令车长开唔到车，减少咗车长能够驾驶嘅时间！

有网民提出建设性提议

另有人建议「其实好心佢客客气气问下佢巴士佬得呀，唔得就其他方法啦，俾就人情唔俾嘅就道理。同埋醒少少唔好喺站头搞啦，站长睇到一定唔俾，话晒站头一定就跟本子办事」。网民都好奇「想知结果」、「结局系点...？」，有似乎知情的网民回应指「赶咗佢落车喇」。

九巴71S线只于周日及公众假期提供服务，循环往来大埔富善及广福，路线如下：

富善邨总站 (TP967),新兴花园 (TP382),广福邨广智楼 (TP383),广福球场 (TP385),大埔墟站巴士总站 (TP935),大埔墟站巴士总站 (TP949),广福街市 (TP551),宏福苑 (TP559),大埔墟站巴士总站 (TP935),大埔墟站巴士总站 (TP946),广福球场 (TP322),林村河 (TP324),大埔中心第五期 (TP326)富善邨总站 (TP967)

根据九巴的「乘客须知」，乘客「严禁携带总体积超过十份一立方米、总重量超逾五公斤或含危险性或厌恶性之物件上车。该物件不得占用座位及不得放置在巴士的通道或楼梯上」。

资料来源：Chi Hou Lee＠facebook

有网民直击约50名游客上机场巴士，行李太多竟推叠在座位上，而且以「层层叠」方式推放，结果巴士转弯即出事，该网民怒斥：「有人受伤边个人负责？」

该网民2024年底在社交平台Threads发布事件，对于有网民奇怪：「点解司机照开车？」她亦有交代细节如下↓↓↓↓

该女网民在本周一（23日）发帖，她表示，该架巴士由机场总站开车，当时一班约50名游客「夹硬上车」，「仲要将啲箧放上嚟个座位上边。」

她实拍现场情况，看到巴士上行李架已霸满，而一大堆行李竟被塞进下层多个座位上，行李打横以「层层叠」方式推放，并无系上绳索等固定物。该网民表示：「我明佢地都好想上车，但咁样放D行李叠晒系到其实系好危险。」

她直击巴士开车不久即出事，「巴士一转弯，已经有几个箧跌左落黎。」她无奈地表示：「唔好话佢都系想上车，冇位都要咁放，有人受伤边个人负责？」不少网民奇怪何以车长容许乘客这样堆放行李，「点解司机照开车？」楼主回复表示：「个司机都唔想俾佢哋上，系个站长系咁帮佢哋。」