港铁短裤男疑偷拍女子脚部 港女鼓起勇气对质：我俾机会你，边个俾机会我？｜Juicy叮

一名穿T恤和短裤的女子早前乘搭港铁时，怀疑被一名短裤男子偷拍脚部，于是鼓起勇气跟随男子下车在月台上对质。在面对对方求情时，女事主坦言「我俾机会你，边个俾机会我？」。女事主另特地称赞在场协助的港铁职员：「今次地铁职员真系要赞佢哋！今次真系做得好好，好彩有佢哋嘅保护，如果唔系𠮶个男人真系会不停走埋嚟我身边骚扰我」。详情见下图及下文：

港铁短裤男疑偷拍女子脚部 港女鼓起勇气对质逐张睇↓↓↓↓

女事主指骂：你离晒谱呀

楼主昨日（27日）在社交平台Threads以「地铁偷拍狂——我俾机会你，边个俾机会我」为题发帖，上载对质短片。短片显示至少有4至5人涉事，包括短裤男、女事主、港铁职员和其他女乘客。

短片中，相信是女事主的女子正在指骂短裤男：

其他女乘客：唔好呀，无得唔好呀。
女事主：你离晒谱呀，我头先俾咗机会你，我睇住你影㗎。全世界睇住佢delete嘅头先。
其他女乘客：我哋全部睇到。
其他女乘客：系呀。
其他女乘客：你唔使惊，我哋全部睇到。
港铁职员：唔好郁，唔好郁呀。
其他女乘客：你唔好郁佢呀。
女事主：离晒谱，你呢啲人呢，俾机会你呢，你永远都系做呢啲嘢㗎。我唔会俾机会呀。我俾机会你，边个俾机会我呀？边个俾机会我呀？

相关阅读：咸湿伯偷拍港女「断正」 陪同家人无阻止仲咁回应 网民：令人心寒

港铁回复《星岛头条》查询时表示，翻查相关记录，相信是本月24日旺角站有乘客怀疑被偷拍的事件。当时职员收到通知后到现场协助乘客，乘客自行报警，事件已交由警方处理 。警方表示，事件中以涉嫌「游荡」拘捕一名61岁彭姓男子。

女事主留言讲述详情

因应帖文，有自称是女事主的网民在回应栏留言：「我系当日嘅事主，我已经报警处理咗当日嘅事情」，并讲述事件详情：

「我喺地铁上发现有人疑似偷拍我，当时我著住T恤同短裤，留意到呢一位陌生男子用手机对住我嘅脚位置影相。第一次我用眼神警告佢，然后佢再做第二次，我即刻觉得唔舒服同被侵犯隐私，于是决定跟佢落车同佢对质。

我问佢有冇偷拍我，佢一开始唔认。但我要求佢打开手机俾我检查，结果发现佢手机入面有两张我嘅脚嘅相。系未经我同意下偷拍嘅，我觉得非常唔尊重同不安。虽然有人可能觉得影脚嘅相系小事，但对我嚟讲，呢种行为系完全唔尊重我嘅隐私同个人界线，特别系我同佢素未谋面，佢无任何理由影我嘅相。

为确保佢无保留其他偷拍相，我追问佢仲有冇其他相。喺我同一位内地游客（现场目击者）嘅要求下，佢打开手机一个file（档案），入面除咗我嘅相，仲有好多其他喺地铁偷拍女性嘅相，全部都系以类似方式（例如聚焦脚部或其他身体部位）偷拍。呢啲证据清楚显示佢有系统地偷拍唔同女性，绝对唔系单一事件。

佢亦喺我面前del（删除）咗整个档案夹入面嘅相。但佢之后态度转变，开始靠近我，语气似恳求咁要求我原谅佢，仲叫我唔好报警。佢嘅行为令我更加唔安心，所以我决定报警处理」。

相关阅读：纹臂港女疑「真空」搭港铁 乘客偷拍被狂轰

女事主：唔应该叫佢delete相

女事主接著透露：「呢个唔系我第一次遇到偷拍，但之前我因为无勇气同唔知点处理，一直无采取行动。今次我鼓起勇气同偷拍者对质同报警，系希望保护自己同其他可能受害嘅人。我认为任何人嘅隐私都应该受到尊重，无经同意偷拍他人系完全唔可接受嘅行为。  

警察最后嚟到话因为佢del晒啲相，所以系唔能够用偷拍呢个理由去拉佢。警方𠮶边就话我唔应该叫佢delete（删除）相，但当时我真系太心急，第一次处理，所以当刻就叫佢del影到我嘅相。

但系警察嚟之前佢不停靠近我，就算有地铁职员保护我都不停靠近我，所以警察最后都用游荡罪拘捕咗佢」。

在回应网民时，女事主还指：

•今次地铁职员真系要赞佢哋！今次真系做得好好，好彩有佢哋嘅保护，如果唔系𠮶个男人真系会不停走埋嚟我身边骚扰我。

•𠮶刻其实内心好惊，但我想反抗，所以最后都选择咗反抗，以声量掩盖自己嘅内心嘅恐惧。

不少回应的网民都力赞女事主：

•唔好姑息呢啲人；
•好欣赏你好有勇气；
•好欣赏你呀真系好劲；
•做得好啊，唔应该俾机会呢啲人；
•呢啲人唔可以俾佢得逞，做得好；
•你哋做得好好，呢啲人唔应该俾机会；
•做得啱呀，真系唔可以放过呢啲变态佬；
•你做咗好多女仔都冇勇气做嘢！ 简直系女性嘅榜样；
•做得好呀！超级respect（尊敬）！！讲得好！完全支持你嘅行动！变态佬抵X死！；
•做得好，地铁真系多咗人偷拍，有啲学生或怕丑女仔怕事唔敢出声，就养肥咗咸湿佬个胆。

另有人分享自己类似的不快经历：

•今早巴士都系，将部手镜头向住我，我即时拎起手机向返佢，跟住佢即时拧开手机；

•呢啲一定要制止＋搞大佢。千祈唔好觉得俾人影几张相好小事，因为你一定唔系唯一一个！我试过一次，当时有位哥哥好正义咁样同我捉住咗偷拍𠮶个人，一开相机全部都系喺电梯从下角度偷拍唔同女仔脚同裙底嘅相⋯⋯当时我叫佢铲除晒，谂返起好后悔冇直接报警。所以𠮶一刻你唔单只系为自己，都为咗好多女仔伸张正义！！绝对支持。

资料来源：entertainmentbaby1997＠Threads

相关阅读：铜锣湾男疑偷拍朋友裙底春断正 网民直击过程：Ｘ街到连熟人都落手 最后一举动感恐怖↓↓↓↓

有网民在铜锣湾一个商场发现有男子疑搭扶手电梯时，拿手机「低炒」偷拍女子裙底春，最令人吃惊的是男子与被偷拍女子是朋友，女子和男子倾计期间，怀疑在不知情下被偷拍。楼主于今年3月4日在社交平台Threads发布事发影片，引发热烈回响，她直击过程如下↓↓↓↓