鸭寮街唔买嘢斋唱散$500惨被拒 大叔折返竟给猫店长放低两条「红衫鱼」网民：谂佢唔到｜Juicy叮
发布时间：11:31 2025-06-22 HKT
一位短裤大叔早前在深水埗鸭寮街做了一件让网民「谂唔到会咁样发生」的事，在一店铺唱散500元被拒后，折返时竟然笑笑口在该店的猫店长身旁放低两条「红衫鱼」。详情见下图及下文：
鸭寮街唔买嘢斋唱散$500惨被拒 大叔折返竟放低两条「红衫鱼」逐张睇↓↓↓↓
楼主：冇谂到放低两嚿水俾只猫
楼主昨日（21日）在社交平台Threads以「#爱猫人士 #深水埗鸭寮街」为题，上载一段天眼短片发帖，指「一大早个阿叔喺我哋铺头门口玩我哋只猫，然后攞$500俾我，叫我帮佢唱散纸，我当然拒绝，冇谂到佢转头唱完散纸返嚟放低两嚿水俾只猫……」。
片中见到大叔笑笑口走向猫店长，弯身在猫猫身旁放下钞票，摸摸猫猫的头部后便斯斯然离开，猫店长及时向大叔张口像叫了一声。大叔放低钞票一幕被路人发现，对方为之侧目；而大叔所做的「好事」，旋即被店铺职员发现，在场手指指和骑骑笑。
相关阅读：「勿再投喂此猫」街招抢眼 网民爆笑：猫店长像重案贼王
楼主及后放上猫店长的玉照讲述当时的情况：「阿叔喺度玩猫，而我笑笑口任由佢玩，佢问我只猫系咪我哋嘅，我点头应咗，然后佢用佢一直揸住嘅$500直接同我讲，你同我唱散纸，咁我同佢三唔识七，佢又唔系用问嘅方式，咁我点解要帮佢唱啊，系唔清楚对方意图嘅时候边个会帮陌生人啊，如果钱有问题，边个负责啊......最后睇睇我哋只爱猫几有型，哈哈」。
楼主接著再补充，「不过最后我哋铺头都系好多谢阿叔咁大方请我哋只猫食嘢，除咗阿叔，希望所有人都可以过得开开心心。我哋只猫系好钟意喺铺头门口晒太阳或走到隔篱铺头门口晒太阳，大家钟意佢嘅话见到佢可以影相，虽然日日都好多人影，哈哈」。另有网民放上一张猫猫身旁有一大堆零食的相片，相中猫与涉事的猫店长相当像样。
相关阅读：猫店长挂「眼看手勿动」告示 店员感言：痛心猫咪瞓得少
网民暖心排队大赞
回应的网民对大叔的「迷之行为」感到相当暖心，排队大赞：
•佢请只猫食嘢；
•叔叔好钟意只猫猫；
•好叔叔：俾你买嘢食；
•好锡猫，系真心锡猫；
•呢个阿叔不得了，咁好人㗎；
•猫猫要送返张感谢状俾陌生人叔叔；
•好似对小朋友咁，叔叔俾钱买糖糖食；
•来认识呢位咁有爱心嘅呀叔，极罕有；
•多谢爱猫叔叔，呢个摸摸头俾零用钱举动好有爱；
•阿叔笑住行返嚟Made my day（让我今天很开心）；
•个叔叔摆低钱后再轻力摸两下头仔先走，佢真心锡猫猫；
•钟意到会特登唱钱，仲行返转头俾钱猫猫，阿叔，欣赏你；
•阿叔摸猫头𠮶下充满爱，有时呢个世界就系咁，永远都系以貌取人；
•好Old school（老式），真系好似细个啲亲戚锡我哋就系醒几嚿水我哋买嘢食。
有人则笑指猫店长为招财猫：「凭可爱赚条条」、「自己罐罐自己赚」、「凭实力自己赚罐罐」、「过年可以带埋只猫去逗利是啦。
资料来源：wantsunsing＠Threads
相关阅读：元朗「喵当劳」新张小童掷石赠兴？ 网民捏把汗：好在拉得切↓↓↓↓
朗一间宠物用品店给其「脑细」猫店长「云吞」置了一间新屋，并命名为「喵当劳」。戴金颈链的「云吞」拥有一副大老板身型，上载相片的宠物用品店fb小编发帖笑指「喵当劳好街坊分店！正式投入服务！」，并特别提到「系正门只可以睇到『脑细』嘅尾巴，但后面有广阔嘅空间」。
「喵当劳」帖文2023年4月1日早上发布，同日下午却差点发生不愉快事件，据宠物用品店fb小编指「2023年4月1日下午15:07分左右，有小朋友企图用大石头丢『脑细』，好在阿妈及时阻止」。
宠物用品店fb小编续称，「想提醒下各位家长，看管及教育好你哋嘅小朋友，唔好对住猫猫大声尖叫或者丢石头引起猫猫注意。我哋冇限制大家同『脑细』互动，系知有好多屋企有原因养唔到小动物，又好钟意小动物嘅朋友，可以多个接触小动物嘅机会，请各位家长多多留心！」。
