旺角迷晕党疑云以中奖奖券为饵？事主街头遇「熟人」寒喧遇险 网民疑另有企图｜Juicy叮
发布时间：11:11 2025-06-04 HKT
有网民昨日（3日）在旺角街头遇到两名途人，其中一人戴口罩「扮识」，事主一时无法分辨，和这名「熟人」寒喧起来，期间竟获发奖券并成功刮中大奖，之后被带往领奖，途中对方多次更改目的地，事主惊觉有异中途急急走人。
由于事件动机未明，惹起不少揣测，部分网民怀疑事件可能涉及迷晕党，指与过往一些迷晕党犯案手法相似，事主亦坦言，中途有担心会被迷晕行劫，但有部分网民怀疑有关人士另有所图，详情如下：
旺角迷晕党疑云以中奖奖券为饵？事主街头遇「熟人」寒喧遇险 网民疑另有企图↓↓↓↓
男事主昨日（3日）在社交平台Threads发帖表示，刚才傍晚时分在旺角西洋菜南街兆万中心出面，遇到两个人，年龄「20尾到30头」。他指，其中一个讲流利广东话、戴住口罩的人士截停他，「扮识我，先讲好耐冇见，问我做紧乜，再问咁耐都冇转工咩，同𠮶度好做咩。」
事主表示，「因为佢带住口罩，我认唔到佢系边个，所以礼貌性做咗啲简单嘅回复」，之后这名口罩「熟人」身边的另一人，主动与事主认识，「𠮶个人就主动讲佢自己叫咩名，同问我叫咩名，然后就攞咗张抽奖卡出嚟叫我刮。」他指该人广东话「有少少口音」。
动机未明 事主提醒小心：无啦啦攞张抽奖卡出嚟系极度可疑
事主于是即场刮抽奖卡，「刮一刮就见到价值888$奖品，跟住佢哋就话要带我去攞奖品。」事主跟随去取奖品，「初时我哋沿著西洋菜南街向北行」，途中事主问两人「系咩奖品，佢无清楚咁讲，净系话到时我可以自己拣，又话之前有人抽中三百几蚊攞走咗部电视」。
事主再问取奖品的目的地，但对方口头不断更改地点，「佢先讲西洋菜南街同豉油街交界嘅手机舖，去到𠮶个位置右转入豉油街再讲林香柠（手打柠檬茶店）。」最后，对方又说「最终位置系旺角豉油街......巷仔其中一座建筑物」上面的一间健身中心，男事主表示，他最后去到手打柠檬茶店门口，即话「唔想去然后走咗」。
两人动机未明，事主对事件感到非常奇怪，他指事件有两处可疑之处，一是扮熟寒暄：「正常街上撞到寒暄几句，唔系好熟冇乜话题，就应该分开，𠮶个位拖一拖已经有啲奇怪。」二是抽奖及领奖：「无啦啦攞张抽奖卡出嚟系极度可疑。之后问中咗咩唔讲，问去边又唔讲，𠮶阵时已经知道系唔对路，仲要上楼就真系绝对冇可能再继续。」
他发帖提醒网民小心：「事实上无啦啦有888蚊根本就系好有问题，旺角街头充满危险大家都小心啲。」
网民吁提高警觉：会唔会中途整晕你？有人疑是......
有网民留言指事主警剔心低：「真佩服你，三唔识七，可以倾咁耐，仲要跟人走，你真系要食多D提子（指警方防骗吉祥物「提子」）。」事主则解释：「中途未firm系咪真系唔识嘅，同埋都想知道发生紧乜嘢事，就系睇得提子多所以提高咗警觉。」
部分网民怀疑事件涉及迷晕党：「好有可能系迷晕党，有无谂过去啲僻处迷晕你？」「......会唔会中途整晕你，因为之前有人分享过，畀人喷烟，冇耐就开始晕，然后畀人夹走，或抢嘢，好在你冇跟住上去，真危险。」事主亦坦言：「中途都有谂过。不过话晒都旺角西洋菜南街，香港应该未危险到呢个地步。」
由于最后目的地为一间健身中心，部分网民则怀疑事件涉及健身中心推销，「呢D呃人方法成廿年啦，旺角同九龙湾淘大都遇过，最近行铜锣湾SOGO附近，都有条友突然话系我同学，但我未见过佢，估计都系呢D呃签健身约嘅垃圾。」有网民又指去年底结业的一间大型连锁健身中心「好钟意用呢招」。
来源：frwhale＠Threads
同场加映：港女皇岗口岸疑遇迷晕党 三度碰面企到好埋 一除口罩由头晕到尾↓↓↓↓
