首日返工被「摸Patpat又摸手」 港女疑遭非礼家人反对报警 陷自我怀疑：成晚冇瞓过｜Juicy叮
发布时间：12:13 2025-05-15 HKT
有港女昨日（14日）下午在社交平台Threads发求助帖文，引起网民高度关注，她表示，首日返工，被一名男同事以追求为名，「摸我Patpat，又摸我只手」，她感到被非礼去尖沙咀警署报案，但报警后「屋企人话冇必要」，令她陷入自我怀疑「成晚冇瞓过」：「其实我系咪真系唔应该报警？」
网民纷纷留言支持女事主报警：「一定一定要报警！！！！！」「真心呢d情况系要报警！你冇做错！」「报警做得对！第一日返工就拍pat pat，你唔出声嘅第二日唔知做乜嘢㖞。」
首日返工被「摸Patpat又摸手」 港女疑遭非礼家人反对报警 陷自我怀疑：成晚冇瞓过↓↓↓↓
该位女事主是第一日返新工，她未有透露工作性质，该涉事男子是她「同事」，双方是「第一次见面」。
遇到怀疑非礼那刻，她感到非常徬徨：「第一日返工，第一次遇到呢啲事，当刻真系唔知点样做好。」
男同事疑涉非礼后 短讯联络女事主
在帖文中，她公开了疑被非礼后，与涉事男同事的对话截图。
截图看到是该涉事男同事，在事后主动以Whatsapp联络女事主，这位男同事说：「hi，啱啱吓亲你，对唔住，向你郑重道歉...」。
女事主回复明确对于男同事的行为表示不能接受：「其实我唔钟意人哋摸我pat pat又摸我只手，好奇怪。」
男同事：因为你系我钟意既type，想追你
男同事回复说：「知道...因为你系我钟意既type，想追你，如果你有男朋友既话...我就放弃了。」
女事主再向他明确说，不能接受身体接触：「你想追我唔应该同我有身体接触，pat pat系私密部位。」
男同事回复：「知道（附严肃EMOJI），没下次，对不起。」
「屋企人就话我冇必要报警」
女事主在帖文中表示，她覆完该涉事男同事的短讯后，便去尖沙咀警署报案，在落口供后，警员亦有「影低」这次通讯纪录，以便跟进。
但报案后，「屋企人就话我冇必要报警」，令她「自我怀疑...成晚冇瞓过，其实我系咪真系唔应该报警」。
屋企人重男轻女？家丑不出外传？
她说，家人认为警告或骂涉事者已足够：「因为身边好多长辈都觉得冇必要报警，叫我警告佢闹下佢，搞到我怀疑自己系咪真系唔应该报（警）。」
有网民问她：「屋企人系咪重男轻女？......阿爸就认为家丑不出外传......」，女事主回复说：「畀你估中咗。」
告诉其他同事获回复：咁又唔使报警嘅
女事主又表示，有向其他同事反映疑遭非礼，但同事愤怒之余亦认为不应报警：「我同咗其他同事讲佢哋都好嬲，话要ＸＸ𠮶条友，之后佢哋知道我报咗警就话：咁又唔使报警嘅。」
她又坦言「少少」担心报警后，涉事男同事会报复：「咁呢其实我都有少少惊佢报复，因为听讲佢份人好似唔系好正常，佢喺楼上做侍应会拎把刀落去厨房磨刀...」
她表示会辞职：「已经唔谂住再去𠮶度返（工）。」
网民齐撑女事主：一定一定要报警！！！！！
帖文引发热烈回响，大批网民纷纷留言力撑女事主报警，「一定一定要报警！！！！！」「应该要报警！正常返工系唔会有任何身体接触，今日摸下只系试你底线，下次唔知会做啲乜......」
「报警做得对！第一日返工就拍pat pat，你唔出声嘅第二日唔知做乜嘢㖞，仲要叫你『妹妹』，我谂佢连你个名都唔知，完全系虾你唔敢出声。」
「一定要报！ 一睇就知系惯犯！一来保障自己，二来可以当系帮咗其他女仔！讲唔使报警嘅，系针唔吉肉唔知痛，当事情发生系佢地身上，睇下会唔会咁！」
「你好勇敢，做得好好！唔好自我怀疑！」
「你做得好啱！呢啲好可能系惯犯，唔可以就咁算数，你小心啲好好保护自己。」
「你好勇敢，做得好好！」「报警系啱，唔好自我怀疑！」
同场加映：又一城连锁餐厅分区经理被指带头性骚扰 女苦主爆返工 4 日性骚扰言行日日新 餐厅发声明指零容忍 涉事者被停职候查↓↓↓↓
