意外烫伤B女只手又红又肿 港妈发千字长文 呻爆外佣离谱工作态度（附B女最新康复情况）｜Juicy叮
发布时间：12:55 2025-05-02 HKT
有港妈早前在facebook群组「聘请工人姐姐关注组」，上载年幼女儿在外佣房间被打泻热水壸严重烫伤手部的又红又肿相片，引起网民哗然。
港妈并写下千字长文，呻爆涉事外佣的离谱工作态度，除意外烫伤B女的手部外，还有其他打烂嘢、整烂嘢、洗嘢唔干净等问题，甚至经常要求外出散心，夜晚要出街散步跑步，晚上「8点鸡咁脚就出去到11点先返」。详情见下图及下文：
外佣意外烫伤B女只手又红又肿逐张睇↓↓↓↓
楼主千字长文：「警世post（帖文）（有严重烫伤照片）
上年（2024年）8月请咗个新嚟港菲律宾姐姐，开头interview（面试）讲明楼层多同大地方（有1个6个月B同3岁小朋友），因为住村房分A同B住，同屋企人住隔离，但系有share job（共同工作）姐姐一齐做嘢。开头两个月我未返工，一切嘅嘢都如常进行。10月见佢ok就返咗half day job（半日工作）。
（外佣姐姐）到11月话老豆过身要返去，好啦照俾佢返去，佢最后都有返嚟。一路都心情唔好，成日都话要休息下，落街行下。到12月就烫伤我个女只手，话我BB爬入佢间房整泻个热水壶，我之前都话过小朋友唔可以入工人房因为冇装cam（摄影机）。咁整亲之后就喊晒话唔小心，医生话问过佢事发经过都系合理嘅意外发生经过，只能够话系安全意识低，告唔到。整亲完我女之后又话好自责，好多人知道佢整亲我BB喺佢背后话佢，好大压力，成日话要散心呀。又话唔忍心见到我个女喊要出去散心。我个女个伤口成两三个月先系完全好返，中间有次叫佢同我女复诊，我个女喺入边喊紧佢仲喺出边打手机。
咁自从阿女整亲之后就同我另一位姐姐调转工作唔俾佢掂BB，跟住啲清洁就开始出事，整坏整烂啲吸麈机呀，唔讲，到我用嘅时候就I don't know mum（女主人，我唔知道）。都算，啲嘢洗得永远唔干净，扭干嘅永远都系湿滴晒水，镬镬都要帮佢执手尾。到12月尾倒数，已经话咗我同先生有活动要出去晏少少返 （啲小朋友我哋自己氹瞓教搅掂晒先出去），佢由晏昼开始问可唔可以出去同朋友到数。我话唔得我哋都要出去，边个睇住小朋友（拒绝佢），佢都继续问问咗3、4次，到最后我话我哋出去一阵，10:30返嚟到佢出去倒数完佢就返嚟。因为第二日系佢假期，佢够胆死倒数完第二朝清晨5点先返尼屋企，我就出咗warning（警告）话唔可以再发生呢啲嘢。
之后一路都系做嘢麻麻 ，完全唔识分配时间，错嘅时间做错嘅嘢，每日做赶头赶命打烂嘢整烂嘢，成日同另一个share job姐姐比较，当住啲小朋友面闹交发癫。近呢个月成日话夜晚要出去散步跑步，咁夜晚通常都系自己照顾小朋友，俾佢去咗一两日到之后直接知会你一声，8点就鸡咁脚就出去到11点先返。最离谱又系又凌晨2点先返呢，11点叫佢即返嚟都唔听。成日口脗就系叫我即炒佢，如果唔钟意佢嘅话。摆明系博炒。
而家新工人就嚟到港，准备即炒佢，想问吓应该补几多日年假？同埋佢应该会揾下个雇主，大家如果想知道佢啲资料就PM（私讯）我」 。
相关阅读：B仔嘴唇流血红肿 港妈CCTV惊揭外佣凑B「咁离谱」 出Po求助：有冇得告虐儿？
楼主补充B女最新康复情况
楼主补充B女最新康复情况——「而家其实大致好返晒，不过都仲有啲疤痕，色都好淡，唔仔细睇，其实都唔太发觉。不过我小朋友整亲之后差唔多4个月冇重过，完全冇胃口食嘢」。
相关阅读：神秘「21字信」寄外佣港妈求救 知情者揭惊人真相 惊告：千祈唔好俾姐姐！
外佣意外烫伤B女只手又红又肿逐张睇↓↓↓↓
网民心痛B女：BB好痛
回应的网民相当同情B女，指「BB好痛」、「睇到都心痛」、「睇到小朋友只手咁样真系好惨」。另有人关注事件应如何处理，「好心痛同时好愤怒，点解可以忍咁耐又唔报警？！」、「应该一早炒」、「一定要报警！唔好心」、「其实个女伤咗𠮶日就要炒佢啦！」、「就算唔报警,整到小朋友咁伤都即炒」、「呢个可以当系严重错失 即炒唔使赔钱」、「哗，整到小朋友不能接受。如果工作时间都话要出去，咁点得」。
楼主回复其中一个留言时表示：「因为我哋都问过医生，佢都话就算报警未必告得入，都系可能口头警告下」。
另有人提醒「你小心话炒佢之后会有咩极端行为，记得带走小朋友先」，并指「好恐怖，见到都心痛，哩啲人真系好狠心，迟啲你炒咗佢，一定要摆佢出嚟，唔好害咗下一个」。
资料来源：Venus Chung＠facebook
相关阅读：港爸指控外佣疑报复煲粥严重灼伤BB 手及半身不停甩皮：医生话可能要植皮 警拘43岁菲佣涉虐儿↓↓↓↓
有港爸早前在网上发帖指控外佣疑报复，在被指责偷懒后，即抱刚一岁大的BB入厨房「睇粥」，未几传来BB疯狂大喊，BB手及半身不停甩皮，被医生诊断严重灼伤，有可能要植皮。
消息指，警方2025年3月5日接获报案后，经调查后同日在马鞍山以涉嫌虐儿拘捕一名43岁菲佣，现正被扣留调查，案件交由沙田警区刑事调查队第六队继续跟进，至于男童经治理后已经出院。
事主3月4日晚在网上发帖求助，查询解雇这位外佣的程序，但网民纷纷促请事主「报警，即刻报警」，交由警方调查事件。以下港爸自述事发经过↓↓↓↓
相关新闻：沙田1岁男婴被抱住厨房煲粥 右手半身二级烧伤 菲佣涉虐儿被捕
