屋邨幼稚园惊现「BB车龙」掀议 网民：细路对脚用嚟装饰？家长：生过仔先会明｜Juicy叮
发布时间：16:35 2025-03-12 HKT
有网民昨日（11日）在屋邨幼稚园门外，惊见泊满长长的「BB车龙」，他将奇景照在网上分享掀起极大回响，楼主问：「细到唔识行？」有网民亦奇怪：「呢个年代好多细路对脚都系用嚟装饰？」但不少家长留言反驳：「生过仔先会明，小朋友扭计要抱抱，车车系恩物！」
有家长指出：「当你凑住一件2-3岁...又要去买餸，买日用品，又怕佢瞓，BB车系救命草来。」事件掀起热议如下：
屋邨幼稚园惊现「BB车龙」掀议 网民：细路对脚用嚟装饰？家长：生过仔先会明↓↓↓↓
楼主昨日（11日）在社交平台Threads发帖，分享一张屋邨幼稚园门外，泊满长长的「BB车龙」的照片，该「BB车龙」靠著幼稚园的墙边一前一后，秩序井然地排列，车内无人，估计为家长暂泊门外，可能在等小朋友放学时使用。
楼主在相中写著：「我真系唔识，泊满晒车车B。」他在帖文中表示：「常态？而家返幼稚园的人太细？细到唔识行？」
家长：BB车有实际需要 吁要有同理心
帖文引发热烈回响，有育有一女的网民表示：「呢个年代好多细路对脚都系用嚟装饰，小学仲坐BB车返学都唔少啦......」有网民表示：「喺地铁见过5、6岁小朋友坐BB车！仲唔只一次。有时谂，而家啲小朋友真系矜贵。」
不过，不少家长留言呼吁楼主及持批判意见的网民要有同理心，BB车对于家长接送幼稚园小朋友有实际需要：「一咁讲就知你一定无小朋友，完全无同理心，唔阻到人有咩问题。」
同场加映：搭巴士拒收BB车闹司机有病 车长一招霸气收伏女躁客 网民激赞：应该系咁！：↓↓↓↓
网民：有N班呢样嘢 唔好成日咩嘢都网络公审
「唔好话N班，有K1嘅细B小朋友，放咗学会攰，再者人哋屋企未必住到同幼稚园咁近嫁，攰起上嚟阿妈要抱住又拎书包，好大机会买完餸等小朋友放学，有架车除咗比小朋友瞓吓觉，大人放下嘢，唔好成日咩嘢都要网络公审啦。」
「当你凑住一件2-3岁...又要去买餸，买日用品，又怕佢瞓，BB车系救命草来。」「小朋友放学返屋企眼训，你有冇试过抱10几20kg米行返屋企？仲有好多系屋企长辈照顾呢。」「同埋你知唔知有N班呢样嘢，得2岁几放学仲会恰眼瞓，拎架BB车俾佢瞓觉系咪都阻住你？」
「做人要有同理心同底线」
「唔好讲笑，我细女就嚟4岁放学，我都会拎BB车，我接完放学买嘢，又唔怕佢要我抱，去远啲去足全日，我都会带车，真系吓吓抱到咁耐咩。」「做人要有同理心同底线，呢个世界唔系全部人都系supermom，同完美小孩，亦都有好多自闭儿童需要坐BB车，呢D细路有权利接受教育。」
「生过仔先会明，小朋友扭计要抱抱，车车系恩物！泊系到又可以当排队，趁呢个时候去隔离街买菜，返嚟接放学十分完美。」
同场加映：沙胆女BB车推细路巴士前「散步」 车长要「咁做」先返上行人路↓↓↓↓
