快餐店商场厕所卡餐牌咁大个 土法防遗失 夹公仔店夸张折椅当锁匙扣｜Juicy叮
发布时间：11:13 2025-02-28 HKT
商场的「商户专用」厕所卡一旦遗失，往往需付款补领。有快餐店为免客人借用时大头虾丢失，使出土法巨无霸妙计，把厕所卡包成餐牌般大，希望万无一失。
相关阅读：厕所地下有「金」执 打工仔嬲爆影相示众 清洁工呻：呢个位都执过
土法防遗失商户专用厕所锁匙逐张睇 ＋ 网民力撑↓↓↓↓
网民：商户补领匙卡随时过百元
楼主早前在社交平台Threads以「究竟几惊张厕所卡唔见先整到咁大块」为题发帖，上载拍卡开厕所门的短片。楼主在留言栏补充「个（快餐店）收银姐姐俾我𠮶阵我都以为佢俾本menu（餐牌）我，load（思考）咗几秒」。
片中见到厕所卡贴著大字告示，提醒使用完毕请交回的字样。大过块面的锁匙卡虽然造型搞笑，但网民大都明白商户扭六壬保著匙卡的做法——「通常呢啲长嘅厕所卡系要俾钱买，仲要讲紧系$100甚至贵过$100一张，三唔识七嘅街客拎走咗，公司要自己呕钱买㗎」、「因为借俾你系免费，但唔见咗就佢俾钱，讲真张卡肯定贵过一餐饭」、 「同商场讲，商户补一张随时$100以上」。
相关阅读：公屋厕所污水倒灌浸全屋 锯喉惊见呢两大嚿嘢 远看像动物皮毛
土法防遗失商户专用厕所锁匙逐张睇 ＋ 网民力撑↓↓↓↓
大块放唔入袋解决问题
网民续指「真系好多傻猪猪顺手放落袋之后唔记得还」、「咁大张都系费事有人顺便袋走锁匙，可以理解及接受」、「因为去厕所会无手，所以会唔为意袋咗入裤袋衫袋，跟住就会唔记得咗拎走埋。整咁大块就放唔到入袋 」，于是有人讲述所见所闻——「以前返工𠮶度，个锁匙扣嘅牌有15cm咁长，都俾人拎走过」、「我𠮶边试过条厕所锁匙，俾病人拎走咗成半年，覆诊先还番」。
有人接著分析指「唔见咗都可能要成几旧水补卡呢个都未必系问题。最重要补卡仲要等先系问题，𠮶段时间点开门去厕所？」、「你估下佢唔见第几张先搞到咁」、「好些荒谬嘅做法在很多时候都意味著背后都发生过一些荒谬嘅故事」。
土法防遗失商户专用厕所锁匙逐张睇 ＋ 网民力撑↓↓↓↓
网民盘点土法防遗失大法
除了餐牌咁块大的厕所卡外，网民排队提供大量妹仔大过主人婆的土法防遗失大法，其中有人转载一段以「公司女厕锁匙牌太巨大，从此冇人借锁匙去厕所！解决烦恼！」（即刻唔去厕所）为题的短片，展示一间疑似夹公仔铺夸张地以折椅作锁匙扣，椅边扣著一把小小的锁匙。
其他网民还见过的五花八门就地取材的防遗失锁匙扣↓↓↓↓
•公司男厕：哑铃作锁匙扣、
•「酒家厕所匙」：汤漏作锁匙扣、
•「我以前做个间珍珠奶茶用煲盖」、
•「我做𠮶间老人院用A4拉链袋扣住条key（锁匙）」、
•「试过见到连住张A4硬卡纸；中医诊所连住个药樽」、
•「之前陪屋企人睇医生，呢个系𠮶个诊所嘅厕所卡（砖？）」、
•「我上次做facial（美容），间facial女厕匙扣系用A4 纸直接过胶」、
•「锁匙系长炼跟住个500ml喷雾樽，入面有100零ml（毫升）酒精」、
•「曾经公司厕所锁匙成日俾人袋喺裤袋唔记得还，所以锁匙扣变咗把铰剪，即刻解决咗问题」、
•「旧公司要经常借toilet key（厕所锁匙）俾客；n（好多）年前，匙扣系个空嘅正方形月饼盒」。
相关阅读：网盛传「厕所泵」可「无匙」开车门 专家指可行难防范 网民：车主恶梦
网络早前盛传可用「厕所泵」来「无匙」开车门，惹来网民热议，担心偷车贼仿傚，车主人人自危。港版「神探伽利略」、英国机械工程师学会院士卢觉强向本网表示，有关方法确实可行，而且车主无法防范↓↓↓↓
