波子提买回家即变「腐尸」 港女疑生果档偷龙转凤 店家对质时大爆金句｜Juicy叮
发布时间：11:26 2025-02-15 HKT
有港女前日（13日）在油塘一街市花93元买购买靓波子提，回家晚饭后却发现原本靓靓的提子「全部冻到熟咗」，似「腐尸」，怀疑磅秤时遭偷龙转凤。为讨回公道，昨日（14日）到涉事生果档与职员对质，结果对方大爆金句反驳，楼主于是把录音和相片一同放到网上让网民评理。
港女疑生果档偷龙转凤逐张睇 ＋ 网民不齿↓↓↓↓
楼主：阿姐背住我磅提子
楼主前日晚上在facebook群组「油塘人之家」发第一道帖文，大呻「买海鲜会俾人偷龙转凤，我就听得多，原来买生果都会，今日真系踩中蕉皮」，当中提到「阿姐攞去磅嘅时候，背脊对住我，当时我都有少少觉得奇怪（完全冇俾我望到个磅系几重）」，接著指「今次我好肯定自己唔系唔好彩，系俾人掉咗包」，帖文全文见下图↓↓↓↓
生果档阿姐爆金句：明买明卖
到昨日，楼主为自己讨公道后再发第二道帖文，上载当面与生果档阿姐对质的录音和相片。对质对间，得来对方的「明买明卖」金句，帖文全文见下图↓↓↓↓，录音全记录也见下文↓↓↓↓
楼主上载的录音长约1分23秒，内容如下——
楼主：「2025年2月14日下午6点09分，我去街市揾阿姐对质，阿姐系咁样讲嘅：
阿姐：阿妹你要咩呀？
楼主：唔系呀，我想问下呢，我寻日呢，买呢只提子呢，$38磅吖嘛。
阿姐：系呀。
楼主：点解返到去呢，我拣𠮶时好靓㗎嘛，点解返到去呢，全部变到熟晒嘅。
阿姐：你攞咗嘢啰。
楼主：有咩可能呀？我寻日乜都冇拎㖞，就系咁样攞住包提子咋㖞
阿姐：咁我又唔系好清楚你。
楼主：返到去全部熟晒㖞。
阿姐：你自己有睇㗎哦。
楼主：我就系信咗你，俾你攞去磅啰，跟住你磅完之后攞个红袋装住俾我，我就走；熟晒，冻到好似腐尸咁样，超市𠮶啲廿蚊都买到啦，你有乜可能收我93蚊卖包咁嘅提子俾我呀？
阿姐：哎呀，咁你点呀？明买明卖㗎嘛哦，我摆开卖㗎呀嘛。
楼主：唔怪得网上个个都话你啲生果有问题啦，你都承认呢。
阿姐：唉，我自己都摆开埋㗎。
楼主：你攞去秤吖嘛，你秤完之后攞红袋装住俾我吖嘛，咁我咪俾钱你啰，我俾钱后，返到去摆雪柜呀嘛，我当时冇孭餸呀，净系孭你袋提子咋阿姐，咁样做生意，揾多啲啦你」。
港女疑生果档偷龙转凤逐张睇 ＋ 网民不齿↓↓↓↓
网民提供避掉包妙法
回应的网民大都替楼主不值，齐声声讨，称「喺街市买无得讲，成日都系咁，佢地识变魔术」，也有人赞楼主做得好，指「唔好等佢以为咁容易呃人，个个都唔知又唔出声」。另有人提供避免可能遭掉包的妙法：
网民：对付呢啲生果档，千万不要急先付钱，望实佢磅完，说了价钱，不需要他入袋，一手就放落自己带嘅环保袋度，免除后患吖。
楼主：以后唔帮衬，无声抗议。
港女疑生果档偷龙转凤逐张睇 ＋ 网民不齿↓↓↓↓
网民：呢档我买过一次奇异果表面好靓但切开全部唔食得㗎，返去问又系咁讲。
楼主：所以呢啲根本就系佢嘅经营手法。
网民：包装提子都唔知点拣，买返去好多都坏。
楼主：其实透明袋睇落去，就算返到屋企烂都有机会系一个半个唔出奇，除非俾人偷龙转凤，咁就好难讲啦。
网民：一两个坏算好好了，讲紧起码七八个系坏嘅。
楼主：咁好大机会又系俾人换咗。
相关阅读：大埔烧腊店疑靠「砧板挡」出蛊惑 $263烧味过年开盒中大伏↓↓↓↓
