公屋掷物狂乱丢有料安全套 兼空降湿漉漉尿垫 苦主愿赠电动XX解决｜Juicy叮
发布时间：12:29 2025-02-08 HKT
青衣公屋出现掷物狂，怀疑乱丢「针筒、用完安全套、洗头水樽、用过嘅女士用品......宠物尿垫」，部分垃圾搁于下层住户的晾衣架上，让邻居不胜其烦。
居长康邨的苦主早前在facebook群组「青衣街坊吹水会」上载相片发帖诉苦，指「即系咁，（长康邨）康Ｘ楼Ｘ座20以上嘅缺德住户，如果屋企冇垃圾桶嘅话，我可以送一个俾你，如果你行动不便嘅话，我都可以送张电动轮椅（中国制）俾你，等你攞出去掉垃圾桶都方便啲。#已经唔系第一次 #讲得出嘅垃圾都有执过 #好想房署快啲装闭路电视」。
相中见到在开扬景观映衬下，晾衣架上搁有一大块泛著黄色污渍且仍然湿漉漉的尿垫，窗边还有一叠疑似空降的报纸。
相关阅读：西湾河豪宅仙女散花 开窗丢足20分钟玩具零食 呢样嘢满天飞
公屋掷物狂逐张睇 ＋ 网民眼火爆↓↓↓↓
楼主：晾衫出窗口转头就有垃圾
回应的网民惊叹「尿片又过分㖞」，有人更自爆「我嘅晾衫架，都接过一大袋包好咗嘅垃圾，有一次仲要系一块全部都系血嘅卫生巾，我叫管理处上嚟帮我清理」。
对于网民的不少留言，楼主也亲自回应↓↓↓↓
•网民：「块尿垫似有养狗嘅！」、
•楼主：「针筒、用完安全套、洗头水樽、用过嘅女士用品，今次第N次嘅宠物尿垫」。
•网民：「我喺你楼下，试过中一袋厨余」、
•楼主：「我呢家成日被人屈，话系我呢家倒即食面汤落街，其实我都系受害人，次次晾衫出窗口转头就」、
•楼主：「我记得好多年前，有日下午，楼上系掉咗几袋垃圾，其中一袋中咗我隔篱屋个热水炉散热个旧嘢，仲要整烂咗，几惊会漏煤气呀」。
•网民：「常有，一到夜晚就飞纸巾落街......」、
•楼主：「有火嘅纸巾都试过」。
•网民：「有冇通知办事处叫保安员到访影相拍片以作记录，日后区长会在大堂刊登告示边个座向单位掉垃圾，如收到多个住户投诉，会好快加装天眼镜头」、
•楼主：「已经通知咗，佢话星期一会同康Ｘ个主任讲，再处理」。
相关阅读：将军澳街坊高空掷「饭」疑喂雀 路人险「中头奖」闹爆
公屋掷物狂逐张睇 ＋ 网民眼火爆↓↓↓↓
网民上载地拖头「空降礼物」相片
•网民：「其实唔止公屋，听过豪宅都系一样」、
•网民：「一系有精神病，一系细路，一系饮醉酒，一系心理变态， 一系老人痴呆」、
•楼主：「净系知好烦，唔知几时又要执金」、
•楼主：「希望佢屋企人都有喺呢个谷到，睇到麻烦睇实屋企人，教育下咩叫公德」。
呼应楼主的送电动轮椅留言，有网民估计「楼上事主残废丢不到垃圾去垃圾房啩」；另有人建议「拆埋个晾衫架」。说到最后还有彩蛋，另有网民上载自家晾衣架上的「空降礼物」——「今日地拖头」，楼主似乎也知道背景，留言回应：「你𠮶面方向一直都系重灾区」。
乱抛垃圾可扣7分
根据房署的「屋邨管理扣分制」（https://www.housingauthority.gov.hk/tc/public-housing/estate-management/marking-scheme-for-estate-management-enforcement/index.html），高空抛掷破坏环境衞生的物件、乱抛垃圾、胡乱弃置垃圾，可扣7分；而高空抛掷可造成危险或人身伤害的物件可扣15分。
房署并提醒，租户高空抛掷可造成严重危险或人身伤害的物件会被终止租约，房委会会引用房屋条例发出迁出通知书，终止其租约。
