巴士无冷气躁汉走音大闹唔识揸车女车长金句回应：唔好坐ＸＸＸ｜Juicy叮

更新时间：15:58 2023-08-21 HKT
发布时间：15:26 2023-08-21 HKT

天气炎热人的心情也格外烦躁，加上没有冷气便变得躁上加躁。一名身材健硕的男乘客因为巴士上没有冷气而向女车长大发雷霆，质疑对方唔识揸车而展开长逾2分钟的骂战，期间还一度骂至走音。结果遭女车长反驳无理取闹，连爆金句指「我点样揸车唔使你教」、「依家系我揸车唔系你揸车」、「你惊嘅话你唔好坐，好简单」。最终，因女车长一个决定而摆平事件......

躁汉、女车长相嗌唔好口逐格睇＋网民批判式回应↓↓↓↓

躁汉提醒车长小心揸车

短片长约2分16秒，楼主以「我揸车又唔系你揸车，唔驶你教…」为题在facebook上载片段。开始时两人已在对骂中，同场还有准备上车的另外数名男女，车头显示板不断循环元朗「形点I」与「Yoho Mall I」字样。

穿贴身灰色上衣，戴黑色口罩、粗金颈链、前揹背包的短裤躁汉，与女车长大概因为车上没有冷气问题而发生争执，躁汉「老虎头上钉虱乸」，批评女车长唔识揸车，提醒要小心揸车，指「著唔著车都唔知呀」，并扬言自己有20年「爬士」经验，却被女车长反驳「我唔知你要揸几多年，我唔理几多年」、「我揸车你就听我讲」、「依家系我揸车唔系你揸车」。

双方你一言我一语的嘈个不停，加上躁汉死缠烂打，待女车长准备开车时走音呼喝：「开车啦，小心啲揸车呀」，气得女车长在驾驶席回头回应「关你鬼事呀」，躁汉还反驶「咩唔关我事呀」。结果，盛怒的女车长决定落车找站长处理事件，全车人几乎一齐叹气。躁汉、女车长相嗌唔好口详细实录请看↓↓↓↓

躁汉、女车长相嗌唔好口实录↓↓↓↓

躁汉：我劝过你小心啲揸车
车长：我点样揸车唔使你教

四眼乘客：佢有牌，人哋俾咗张证佢
车长：我有牌个㖞，我使你教我呀

躁汉：著唔著车都唔知呀
四眼乘客：好小事啫

躁汉：小事，有冇搅错呀，小事
四眼乘客：佢唔系，佢著到车冇冷气呀，唔关著唔著到车事呀

四眼乘客：问题系人哋开咗架车.....冷气唔知呢，关唔关著唔著车咩事
躁汉：成架车未著呀，知唔知呀

四眼乘客：著咗呀
车长跟女乘客讲：系佢无理取闹，系佢自己攞嚟搞，咁咩依家投诉话无冷气

躁汉：你唔知头唔知路就唔好出声
车长：你惊嘅话你唔好坐，好简单

躁汉：总之你小心啲揸车
车长：我唔使你教，我揸车唔使你教

躁汉：我揸廿年啦「爬士」呀，你知唔知呀
车长：我唔知你要揸几多年，我唔理几多年

车长：我揸车你就听我讲
车长：依家系我揸车唔系你揸车

躁汉行入车厢后走音呼喝：开车啦，小心啲揸车呀
女乘客：哎吔，唔好嘈啦

车长在驾驶席回头：关你鬼事呀
躁汉：咩唔关我事呀

车长：你影响我揸车啊，你喺度依家
躁汉：唔好出声（举机拍车长名牌）

车长：你骚扰我，我可以报警㗎
躁汉：报警，报咩警呀（未完，躁汉、女车长相嗌唔好口详细实录请看上图↑↑↑↑）

躁汉、女车长相嗌唔好口逐格睇＋网民批判式回应↓↓↓↓

英勇四眼男助车长反驶躁汉

其中一名英勇四眼男乘客与躁汉对话，指「佢（车长）有牌，人哋俾咗张证（意思指揸巴士车牌）佢」，并指「好小事啫」、「佢著到车冇冷气呀，唔关著唔著到车事呀」。回应的网民也替女车长说话，指「恰女人」、「人哋公司有指引，你投诉冇冷气咪等下部，等人维修啰」。

躁汉、女车长相嗌唔好口逐格睇＋网民批判式回应↓↓↓↓

有人附和「又系管其他人事件，开车发现无冷气之后仲出唔出车，系由巴士公司决定，乘客只有得拣搭定唔搭。企响度管人点做已经越线，只有做成无作用的纠纷，影响社会和谐」、「死佬，阻Q住晒，成车人为你一个无理取闹而影响到，以后唔好搭巴士搭的士啦，Ｘ街！」。

网民赞女车长英明决定

另有网民称赞女车长的决定，指「我觉得女车长要赞嘅地方就系个客影响咗佢情绪唔应该开车，唔好有大埔2.0（注：2018年大埔公路双层巴士翻侧，造成19人死亡、67人受伤），正明佢还很理智」、「司机做得好吖，大家落车唔好搭啦」。还有人清醒地反问「无冷气，同识唔识揸车有乜关系呢？」、「到底系投诉司机唔识揸车定唔识开冷气？」。其他网民回应请浏览上图↑↑↑↑。