申请父母移民英国帮手凑孙收租又收饭钱网民轰不孝兼自私｜Juicy叮

更新时间：10:38 2023-05-06 HKT
发布时间：10:38 2023-05-06 HKT

申请父母移民英国帮手凑孙收租又收饭钱网民轰不孝兼自私。istock图片，非当事人

本港近年出现移民潮，与移民有关的问题逐渐浮面，有网民在facebook「香港讨论区」以「申请父母移民帮手凑孙」为题发文，引述亲戚的情况，指为人子女的竟然要求在彼邦同住的父母缴交住宿费和伙食费，双方最终不欢而散。网民看不过眼，批评为人子女一方做法过分，并提醒「亲生仔不如近身钱」，应以此事为鉴，以作警惕。

楼主有关移民帖文及网民回应：

楼主讲述详情，指「最近有个亲戚移咗民去英国，揾到地方落脚之后叫埋佢两老过去帮手凑孙方便佢地揾工。两老一到埗佢嘅仔女就叫佢哋两老每月畀返数千蚊住宿费佢哋，另外要夹返每星期买餸钱！最后老人家觉得委屈拒绝移民！移咗民嘅仔女嬲咗两老收起晒佢地带过去嘅储蓄唔畀返佢地闹咗一场大交」。

楼主坦言「呢d事真系闻所未闻」，续指「两老由细到大好锡对仔女。结婚又帮佢哋畀晒首期又资助咗大旧钱畀佢哋移民，估唔到过到外国仔女要求佢两老交住宿费同夹返伙食，好心酸。大家点睇」？

在回应网民时，楼主不禁补充，指「有d位仲衰，𣎴过唔敢网上讲太详细。最后父母走时佢仔女对父母讲嘅嘢真系令人痛心！最重要系佢父母坚好，由细到大咩嘢最好都留畀仔女，又唔虎妈，咩都顺仔女意思」。

网民加入痛骂行列

回应的网民似乎深切感受到两老的苦况，加入痛骂行列，「咁样真系好过份」、「好贱格」、「哗！有冇咁衰格呀！」。另有网民提醒，「俗语有话，亲生仔不如近身钱，死咗有剩咪畀啰」、「有钱就自己使咗佢，唔使留畀仔女～」。

对于他人的家事，网友指出：

「中间好似省略一万咁多件事」、
「应该有好多深层次矛盾冇讲……」、
「移乜嘢民，想揾24小时工人就真……」、
「人哋家事理唔到，但外人可以此为鉴，作为警惕」、
「一家唔知一家事，你只系道听涂说，听下就算啦」、
「如果系真的话，真替两老可惜，生咗不孝又自私嘅仔女，两老就算唔帮手揍孙，仔女提供食宿费生活费都系天经地义」。

诗以梁上有双燕作始。istock图片

还有网民放上唐代诗人白居易的《燕诗》让大家重温，以作警世：
「梁上有双燕，翩翩雄与雌。衔泥两椽间，一巢生四儿。
四儿日夜长，索食声孜孜。青虫不易捕，黄口无饱期。
嘴爪虽欲敝，心力不知疲。须臾十来往，犹恐巢中饥。
辛勤三十日，母瘦雏渐肥。喃喃教言语，一一刷毛衣。
一旦羽翼长，引上庭树枝；举翅不回顾，随风四散飞。
雌雄空中鸣，声尽呼不归；却入空巢里，啁啾终夜悲。
燕燕尔勿悲！尔当反自思：思尔为雏日，高飞背母时。
当时父母念，今日尔应知！」