盲抢盐2.0？网民嘲母亲跟风抢蛋忧摆到臭都未食完｜Juicy叮

更新时间：04:05 2023-03-13 HKT
发布时间：14:05 2023-03-12 HKT

禽流感阴霾下部分地区如台湾出现蛋荒。本港市面虽然蛋源充足，但也有市民按耐不住闻风而抢。有网民以「阿妈跟咗班师奶一齐去抢蛋」为题在讨论区发帖，指「屋企得3丁友」，「平时又好少食蛋」，担心母亲抢购的3排蛋「摆到臭都未食得完」。

楼主指「依家话有咩蛋荒，阿妈今日跟埋班师奶一齐去买蛋。佢返到屋企影相畀我哋睇话佢好叻咁买咗3排蛋返嚟，话依家要30几蚊一排叫我哋悭住食」。

楼主引述其母亲指「啲师奶朋友话依家唔买迟啲就冇得买」。楼主却续称，「其实我哋屋企平时好少食蛋，之前买一排都要食成个几月先食得晒。屋企得3丁友，依家阿妈买咗3排返嚟唔知会唔会摆到臭都未食得完。阿妈仲话佢啲师奶朋友买咗5排蛋，谂谂下自己买咁少好似蚀咗」。

网民回应抢蛋：

回应的网友形容是「盲抢盐 2.0，盲抢蛋」，也指「鸡蛋唔放得好耐」，且不信香港出现蛋荒，称「早两日先买咗两排！」、「其实大陆蛋都几充足」、「好多蛋卖㖞，廿几蚊就有」、「加上我见到都好多鸡蛋买」、「所以唔使买咁多啦」。

为解决楼主家的蛋满之患，网友建议「可以叫阿妈晚晚用蛋去整唔同嘅菜式出嚟~~」，并指「几十蚊买到个自豪感咪畀佢威下，蛋可以整好多嘢唔会浪费！」。有人则搞笑地指，与其抢蛋，「不如买只鸡番屋企等佢疴蛋」。

帖文来源：香港讨论区

同场加映：
港女同男友倾电话不满阿妈偷听网民见招拆招避开慈母顺风耳

港女同男友倾电话不满阿妈偷听，网民见招拆招避开慈母顺风耳。

吾家有女初长成且已交上男朋友，为人母亲的自然紧张，正所谓「外母见女婿，口水嗲嗲渧」。有港女却在网上讨论区开帖大呻，不满妈妈偷听她和男朋友倾电话，坦言「同男朋友讲嘢把声都嗲啲，好似BB呢啲喺阿妈面前真系讲唔到出口」。网民虽然有教路避开母亲的顺风耳，但也开解楼主，指这是为人母亲对女儿的关心。

楼主日前以「阿妈好钟意偷听我同男朋友讲电话」为题发帖，详列母亲「恶行」——「阿妈好似真系好关心我嘅恋情咁，发觉佢成日都会喺我同男朋友倾紧电话嘅时候，借啲意走入嚟我间房，好似入嚟揾衫、拖地、拎水果畀我食，平时唔倾电话又唔见佢咁做。见到阿妈喺我房，佢仲要阴阴嘴笑住咁望住我，搞到我唔好意思畀阿妈听到我同男朋友讲嘢。同男朋友讲嘢把声都嗲啲，好似BB呢啲喺阿妈面前真系讲唔到出口。顶唔顺阿妈，搞到我会闩门锁门倾电话。虽然锁咗门阿妈入唔到嚟，但佢竟然会偷偷企喺门后面偷听。有次一开门，就见到佢偷听，佢仲要扮冇事咁。都唔明点解佢咁钟意偷听我同男朋友讲电话。」