「阿妈打去公司问佢个仔收得工未」 网民：个仔份工危危乎｜Juicy叮
发布时间：15:33 2023-03-06 HKT
打工仔OT出动妈妈致电公司要求放人，真是唔死一百岁都有奇闻。有网民以「同事阿妈打去公司问佢个仔收得工未？」为题在网上讨论区发文。
妈宝故事看得好事的网民牙养养，建议「公司应该搞个家长日，同各员工嘅家长见见面倾倾计」，并指呢位慈母会「下次再打畀老细计番OT钱」，有人更直言阿仔「炒得」。
楼主讲述所见所闻及网民回应：
楼主讲述所见所闻，指「最近公司新请咗个同事，好后生，啱啱毕业出嚟。最近公司都有啲忙，所以全部同事基本上都OT。
琴日，果位新同事阿妈就打咗公司电话问佢个仔几时收工，仲系到闹咩公司要佢个仔OT O咁耐唔畀佢收工呀，最后仲出动埋老细同果位母亲听电话。老细听完之后就叫个同事快啲收工番屋企，唔洗佢OT。
不过见老细听完电话个心情都唔多好，有啲担心唔知咁样会唔会影响新同事过唔到试用期呢？不过其实而家OT都系好正常，如果家长打个电话嚟嘈下就可以唔洗OT嘅话，我都想叫我阿妈打下电话。」
回应的网民觉得做法有点小学鸡，并预言有关同事的职位危危乎：
•「炒得」
•「仲读紧小学咩」
•「咁试用期未必过」
•「会唔会畀老细炒㗎 ？」
•「怪兽父母唔知世间疾苦」
•「其实要闹嘅系呢个阿妈！」
•「下次再打畀老细计番OT钱」
•「你个同事系咪妈宝嚟？？」
•「咁爆趣......过唔过到试用期㗎」
•「咁都得，不过随时害死佢个仔」
•「公司应该搞个家长日，同各员工嘅家长见见面倾倾计」
•「老细之后有冇出本手册畀你同事？以后叫佢老母签名。」
•「好快炒得，好心佢老母就畀多D零用个仔，咁佢咪唔使返工啰」
•「或者妈咪紧张个仔唔系真系加班，去唔应该去嘅地方，或误交损友」
•「好明显你呢个新同事，只不过是喺你公司工作，系一个短途嘅过客嚟啫」
网民体谅啱啱出嚟做嘢需时适应
有网民觉得「你老细咁好人？其他人应该叫佢以后唔驶返」、「一句讲晒，我谂你唔系好适合我地公司，sorry。」有网民体谅地表示，「啱啱出嚟做嘢，系要啲时间适应」，另有人则指「叫阿妈开间公司畀个仔做老板，想几时收工就几时」。
另有人讲述自身经历，指「10几年前我见过有位10几岁仔（刚毕业）嚟见工，我经理事后话佢亚妈要陪佢面试见工，佢亚妈问问题/讲嘢仲多过佢个仔。唔洗讲最后我经理话叫佢返屋企等通知（唔会请佢啦）」。
更有人提到「之前公司试过有个男同事做嘢好差，所以晚晚都要OT， 有一日佢老婆打嚟问老细佢老公系咪成日OT，点解畀咁多嘢佢老公做」，回应的网民却像看透世情，指「可能惊老公扮OT其实有第2个啫」。
帖文来源：香港讨论区
同场加映：
男女街头混战 壮男不敌瘦女被扯发暴打抱头窜
网络有影片热传，澳门关闸广场外有男女起冲突，壮硕男子最后不敌身形瘦削的女子，遭扯头发打头，抱头鼠窜狼狈不堪，最后由其他路人解围。
影片全长近3分钟，地点在关闸购物中心外，一对男女在扭打，身形瘦削的女子明显占上风。
男女街头MMA 壮男不敌瘦女
该女子扯著男子头发，更一度半骑在男子身上不断拍打其头部。
【直击男女街头MMA↓↓↓↓】
至于男子则弯腰抱头，挣扎企图摆脱狼狈情况，现场有多名途人劝交，女子最后被拉开，男子才成功脱身。
男子挣脱后，又再向女子挑机，大喊：「打人呀，打人呀，打人呀，咁多人见著你打人呀。」女子一度欲冲前再打，但被人拦住。
劝交者不断高喊：「你唔好再嘈，我报警。」「行开啦，你行开啦。」「你坐低先，你睇吓，人哋影晒相啦，你似乜嘢啫。」「有乜好打呀。」
现场有大批途人围观，影片听到有人甚至打电话通知朋友：「关闸关场外面打交。」有人则欢呼起哄。
---
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，揾91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
