港女好奇有冇人婚后财政独立 网民提醒：男人有钱就手痕｜Juicy叮
发布时间：13:41 2023-02-10 HKT
有结婚5年的港女醒起长辈「老公出咗粮要俾晒老婆储起」的忠告，在网上讨论区以「有冇人结咗婚都系两公婆财政独立？」为题发帖，问过来人意见。
楼主先说自己的状况，指「D亲戚长辈成日同我讲老公出咗粮要俾晒我储起，但暂时结婚5年我都系当耳边风，我哋两个都系自己揾自己使，屋企洗费每人分担一半，出街冇AＡ制，都系边个有就边个俾，大家想买乜就自己买（当然有时都有送礼物呢样嘢）。唔知点解真系唔想有拎晒我老公D粮呢个谂法，但同时我哋又唔会过问大家积蓄有几多，我觉得咁样财政独立几舒服」，接著问「大家D钱会唔会俾晒另一半去储？」
网民回应：
回应的网民大都认同楼主的观点，「我都同意呀，就系计较唔到咁多，同埋下下计住亦都好辛苦」、「我同我先生都系财政独立！我都唔知道佢有几多积蓄又唔会问佢」、「我都觉得咁样相处舒服D，前设当然是两夫妇各自有经济能力，想法一致先做到」、「我哋同楼主做法一样，太计较就会影响感情，有时果个月用钱多咗，我会直接跟对方讲，对方都会体谅及科水」。
有男性网民分析，「以前得男人出嚟做嘢，个女人喺屋企做家头细务，无收入，咪要揸住财政权啰，而家男一份女一份，各自财政独立，我唔会AA制，有时我俾钱有时我老婆俾钱，两公婆要夹返钱系好老套嘅一件事，结婚耐咗，就会习惯边样我俾，边样老婆俾，唔会计较。」
婚姻关系相关新闻：
Juicy叮｜男家出钱买楼未婚妻求加名做业主 网民献计助准新郎解围
另有网民指，「感觉后生一代都冇呢个（老公出咗粮要俾晒老婆储起）概念，同埋呢代无论男女都好舍得洗钱」。但有网友提醒，长辈有这忠告，可能是基于「男人有钱就手痕，今日唔嫖唔赌，唔包保天日唔嫖唔赌」的想法。
帖文来源：香港讨论区
同场加映：竟是男儿身？！「索女」骚长腿露半球难辨雌雄
「索女」骚长腿露半球，竟是男儿身？！台湾的综艺节目《小明星大跟班》早前一集请来多位「索女」让人猜测那位是男儿身，结果出乎众人意料，节目引来网民热烈讨论。
第一组「索女」那位是男儿身？↓↓↓↓
第二组「索女」那位是男儿身？↓↓↓↓
第三组「索女」那位是男儿身？↓↓↓↓
第四组「索女」那位是男儿身？↓↓↓↓
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
