港人搭小巴阻止阿婆打尖被指「唔识尊老爱幼」 30字嬲爆反击获网民撑：做得好！
发布时间：14:51 2026-09-22 HKT
本港专线小巴座位有限，排队上车向来是约定俗成的礼仪。然而，近日有港人分享早前排队等候小巴时，期间遇到两名长者企图「打尖」插队，眼见排在队头的乘客未有阻止，因此决定挺身而出维持秩序，惟两名长者被揭发后仅抛出一句「而家啲后生唔识尊老爱幼」，随即让事主嬲爆反驳，帖文公开后获大批网民支持，高呼：「大快人心」！
港人等小巴遇两婆婆企图打尖 出声阻止反遭控「唔识尊老爱幼」
事主在社交平台发文，坦言「其实真系唔想闹班老人家，因为自己屋企都有，自己迟早都系」，但日前排队等小巴的经历确实令他忍无可忍。事主指，当日与家中长辈排队等候前往玛丽医院的63号专线小巴（绿色小巴），并守规矩地排在队伍的第三及第四位。当小巴驶近至车站时，排在事主身后的两名长者正在闲聊，其中「婆婆A」询问「婆婆B」是否去华富邨买餸，婆婆B回应「系呀有优惠呀嘛」。当小巴一埋站，两名长者竟当场绕过排在最前的一对年轻男女，企图无视队伍直接上车，惟当时最前方的男女却选择默不作声。
事主见状立刻挺身而出维持秩序，向那对男女及两名婆婆扬言：「佢哋唔出声系佢哋嘅事，排队识唔识？你两个上车啦仲望？」待该对男女上车后，事主目测车厢「得返两个位」，刚好够自己与家人登车。此时，该两名婆婆竟要求事主：「比（俾）我哋上先啦」，更抛出一句：「而家啲后生唔识尊老爱幼㗎啦」。对此，事主随即嬲爆反驳：「尊老爱幼系比啲知个丑字点写嘅人，买餸就唔好搭两蚊车阻住人去医院！」
网民共鸣：摆明喺度搏大雾！
帖文公开后，随即引起不少市民共鸣，纷纷留言大赞事主骂得痛快，有自称同为60岁以上、受惠「两蚊两折」优惠的网民直言「Well done，我都系2蚊车」、「我本身都系两蚊搭车，但系我都好X憎啲老嘢，老X奉要让佢！」。
同时，有不少网民分享以往等候小巴遇上的类似经历，「小巴一埋站个呀婵即刻由队尾冲上嚟争上车……俾人一齐X柒佢，呀婆即刻扮晒可邻：『唉呀唔知你哋排紧队呀嘛』，摆明喺度搏大雾！」、「有次等巴士我带住呀仔排头位，有个呀婆应该计啱晒时间，巴士啱啱埋站佢就到咗，由最尾行上轮椅位 ……上咗车得番两个关爱座我同仔仔坐咗，佢仲特登叫我起身让比（俾）佢坐。我冇比钱搭车？我紧系有需要先坐啦」；亦有网民分享曾遇过拿拐杖的妇人称可以「优先上车」，「我喺个栏排第一，有个阿婵唔排队，企队头，我话『排队喺后面……』个阿婵好大声话『我哋呢啲系优先㗎，唔使排队，个个司机都知。』」认为不应以行动不便作为特权。
来源：Threads
文：LW
同场加映：IKEA出大绝！「绝情胶牌」挡梳化防客斋坐打趸 网民激撑：一早要啦，啲人自己玩烂规矩
