殡葬礼仪师忆述「行家最惊」善终个案送别流产婴儿叹「父母喊唔出嘅悲痛会传染」 1原因棺木底偷放牛奶饼

更新时间：17:35 2025-05-21 HKT
发布时间：17:35 2025-05-21 HKT

殡葬礼仪师每日面对生死，为逝者送行。然而就算是「身经百战」的礼仪师，也会遇到心悒的时刻。最近，一位从事殡葬行业十数年的礼仪师分享早前接手的一宗「行家最惊」个案，全因送别对象是一名流产婴儿，他在社交平台忆述当时的情景，感叹婴儿父母虽然直至仪式结束始终未曾流泪，但他却感悟到「父母喊唔出嘅悲痛会传染」，又透露自己于棺木底偷放牛奶饼的原因。

殡葬礼仪师忆述「行家最惊」善终个案送别流产婴儿叹「父母喊唔出嘅悲痛会传染」

礼仪师Alfred从事殡葬行业十数年，于社交平台开设「香港善终礼仪教室」专页，分享礼仪师的工作经历。最近，他发文分享一个深刻个案，形容该个案是「行家最惊」，全因送别对象为流产婴儿，不少行家都会「耍手拧头」拒接，直指「呢啲job邪到贴地」、「阴功到唔敢收利是。」

Alfred补充，行家们「唔敢赚呢啲钱」皆因「又做得唔好嘅话，个小朋友会跟住个人。曾经有行家做过俾小朋友『掹衫尾』。」尽管如此，Alfred认为：「但系无人接，呢个世界就当佢无存在过？」

在帖文中，Alfred指自己在处理个案时充满复杂情绪：「做咗殡仪十几年，第一次摸住棺木手震。」又忆述当时情景「消毒药水味仲浓过香烛味，隔住口罩都闻到对眼刺刺地。」在这个环境下让送别显得格外沉重，最令他感到心悒的是「BB父母企喺走廊阴影位，由头到尾无喊过一声——喊唔出嘅悲痛，原来真系会传染㗎。」完成仪式后，他感到「心口有旧石」，反问自己：「究竟我今日送紧一个BB，定系送紧人性嘅最后温柔？」

礼仪师送别流产婴儿 1原因棺木底偷放牛奶饼

Alfred于文尾谈及，自己坚持在棺木底偷偷放牛奶饼。至于原因方面，他向《星岛头条》记者透露是出于自己的工作习惯：「始终小婴儿都系钟意依啲嘢，当氹吓小朋友。食吓嘢玩吓，唔好百厌周围搞嘢。」除了牛奶饼，Alfred在处理相似个案时亦会放糖果、牛奶、肚脐饼、BB衫、毛公仔等。

网民：睇文字都觉得好心痛

Alfred的经历触动不少网民，留言指「睇文字都觉得好心痛」、「你是个好人，专业又用心，大功德」、「多谢你肯去接呢个job，令呢位BB可以安息，好人好报，一生平安」、「小朋友未有经历过一啲美好嘅事就已经离开世界，实在系颇不幸。」、「Respect，以前做医院个阵接到呢啲case都会好难过，特别要帮个bb抹干净，比返爸妈睇个阵，系好震撼，呢世都唔会忘记。」

有网民则反问：「如果个个都唔肯接呢啲case的话，个BB最后（会如何处理？）」Alfred则回复：「夭折嘅医院会当医疗用品处理。」

有类似遭遇的网民亦留言分享：「当年我仔早产过身，但因未够24w（星期）唔会当人处理，会以流产胎处理，联络过好多石厂都唔肯做流产胎石碑，当时真系沮丧，最后经介绍揾到机构可以陪落葬仲介绍埋石厂做石碑，睇住自己个仔长埋泥土真系好伤感，但亦因为咁，我释怀咗。」又赞扬Alfred：「多谢你肯接呢啲case，可以俾到个安心父母。」

图片及资料来源：香港善终礼仪教室@Threads