黄浩然大爆力抗TVB狂蜂浪蝶 绝情对待女星:半夜做咩要打嚟 结婚21年零绯闻保亿万爱妻

更新时间:09:00 2026-11-18 HKT
发布时间:09:00 2026-11-18 HKT

黄浩然近日接受周国丰YouTube节目《国丰百科》访问,畅谈结婚21年来的保鲜秘诀,以及昔日大病一场的生死启发。黄浩然是圈中出名「爱妻号」,与太太莫家嘉于2001年拍摄电影《新扎师妹》时结缘,当时莫家嘉在戏中任职电影形象指导,两人一拍即合并于2005年拉埋天窗。黄浩然太太背景相当显赫,她是亿万身家马主莫英儒的千金,虽然黄浩然婚后荣升「亿万驸马爷」,但他多年来依然坚持自食其力,在幕前拼搏赚钱养家。

黄浩然拒同女星交换电话

身处充满诱惑的娱乐圈,黄浩然与太太结婚21年依然恩爱如昔,当被周国丰问到20多年来婚姻关系有否试过出现危机,黄浩然即自豪地说:「咁touchwood就系冇嘅!好多人话:『你冇绯闻㖞,点会冇绯闻呀,冇可能㗎嘛。』」能够做到「零绯闻绝缘体」,全靠黄浩然极强的自制能力及刻意避嫌,他在访问中大爆入TVB头五、六年,从不与女演员交换联络方式:「讲真我𠮶时,喺电视台里面头𠮶五六年,系冇女性演员有我电话嘅,我唔畀㗎!交换都冇,系好friend𠮶啲去到后期我先至会交换电话。」问到狠心断绝来往的原因,他直言是为了杜绝一切误会:「好惊𠮶啲,半夜两点send个WhatsApp畀你。你就算冇嘢你都大镬啦,唔好搞呢啲矛盾啦,我会系咁啰。其实佢半夜揾得我,一系就真系半夜收工想揾人倾吓,一系就真系对我有嘢,唔好搞咁多啦」。除了不交换电话号码,黄浩然工作以外也绝对不与女星私下约会,他非常坚定地表示:「我都好少完咗工作再约出嚟嘅女性朋友,我好深信系:冇嘢做咩约佢出嚟啫?瞓都冇得瞓,唔好搞咁多嘢啦」 。

相关阅读:「亿万驸马」黄浩然打卡变热话?三父子生活贴地乘东铁 网民识破车厢内不寻常设备

黄浩然富贵妻原是不婚主义者

黄浩然太太家底丰厚,但原来思想相当前卫,最初更是「不婚主义者」。黄浩然笑言:「其实我老婆系话唔使结婚嘅!喺我哋拍拖嘅时候,佢话其实拍拖咪得啰。但系佢知道我谂住、想有小朋友,同埋亦都要同屋企人交代,佢嘅父母,咁咪结婚啰。」他亦深情补充指:「如果我系谂住古灵精怪、玩玩下,咁做咩要结婚、做咩要束缚呢?既然大家都系有共识想生小朋友,就一定要用努力去维持啦。」

黄浩然曾患罕见病停工9个月

虽然贵为「亿万驸马」,但黄浩然拍剧从不锡身。直至2014年,他因长期工作过劳,突然患上罕见免疫系统疾病「贝赛特氏症」,当时出现喉咙溃疡、皮肤病变及视力模糊等严重症状,被迫停工休养长达9个月。重提十多年前这场大病,黄浩然坦言是一大人生启发:「『贝赛特氏症』是一个免疫系统嘅病,都系话冇原因,话我『攰啦,要休息啦』,其实有啲似我哋呢行好多人有嘅红斑狼疮。𠮶时我都话:『我冇乜压力呀,好OK呀!』但系其实个身体话畀你知:『喂你唔得啦,你个炸弹爆啦!』」他更以汽车比喻身体:「亦都庆幸我三十几岁未到四十岁有呢个病,我早啲知。即系你部车,我唔会揸咗三十万公里先至跪低,你揸咗十几万公里就跪,你都仲有得整。同埋康复过程快啲嘛,你年纪太大搞唔掂。」休养的9个月令他学会放慢脚步,在工作、家庭与健康之间取得平衡,痊愈后他更加爱锡身体,现时更经常带着两个儿子一起跑步,强身健体。

相关阅读:49岁前TVB一线小生自爆患罕见病  喉咙溃疡皮肤病变视力模糊  辞演剧集即晚「被取代」