林建明感染致命恶菌险变肺炎：大镬到不得了亲述九死一生惊险过程差点演变成重症

更新时间：20:34 2026-10-31 HKT
发布时间：20:34 2026-10-31 HKT

林建明（大姐明）今年8月惊传因健康问题紧急暂停工作，大批圈中好友与影迷纷纷留言集气祝福。幸好经过近一个月的休养与治疗，林建明日前不仅拍片「报平安」宣告康复出动，近日更现身作客薛家燕主持的新城电台节目，亲自揭开患病惊险内幕！林建明坦言，自己于8月中旬不慎感染「上呼吸道细菌感染」，表示：「我唔知喺边度被传染，得到『上呼吸道细菌感染』，大镬到不得了，医生话如果我迟两日去睇，就会演变成肺炎，就真系轮到我。」林建明笑言理解老友记们的担心，并打趣回应：「你哋系咪惊我又突然间『拜拜』先？」所幸如今已无大碍，让广大粉丝松了一口气。

林建明近年受健康问题困扰

林建明近年备受健康问题困扰，今年3月于尖沙咀街头失足跌伤双膝后，伤势一直反复，至5月仍未完全痊愈，8月又因上呼吸道细菌感染需要暂停工作。在节目上，林建明说：「我都算好彩，呢啲真系整定，今次我唔敢拖，即刻去医。当时我真系一只一只药咁食，通常我睇呢个专科，食一个星期药就应该好返。但今次竟然唔得，咪再去睇多次，点知医生话我第一星期食完药好似有抗药性，要改食一啲好劲嘅药，足足食咗两个星期。𠮶阵我食完药就睡，睡醒又食药，整个人迷迷糊糊，日夜都咳，喉咙同上颚又干又痛，好似畀火烧咁。而家虽然未完全断尾，仲调养紧，要睇中医同西医一齐调理。我都好小心，最惨嘅系要戒口，唔可以饮酒，唔可以食冻嘢，特别系我最钟意食嘅雪条。」林建明又笑说：「我望住真系想死，后来我顶唔顺，偷偷地拿一条出嚟，咬一啖雪条，即刻饮一啖热水，用咁嘅方法去平衡喉咙，如果唔系我即刻咳，用呢个方法润返佢。」

林建明谈胡枫胆石掉落胆管发炎昏迷

林建明在节目中又提到胡枫早前入院昏迷四日一事，薛家燕称当时在马来西亚收到消息时也吓了一跳。林建明说：「胡枫嘅新抱阿JoJo照顾得佢好好，佢（胡枫）好紧要呀，系𠮶粒石，唔知胆石定肾石跌咗落去，又唔可以即刻做手术，好危险。做完手术之后，哎呀，真系谂唔到，竟然昏迷咗四日，好大剂。好返冇事之后，佢新抱先同大家宣布曾发生过嘅事。因为前排我哋揾胡枫揾唔到，知道佢唔舒服但唔知咩事。好啦，正如薛家燕咁，打去问候，我就无好似薛家燕咁，我留言俾胡枫，叫佢唔好咁样，如果唔系就冇人同我闹交。胡枫好精灵，回复我话：『我唔会嘅，我一定要出嚟同你斗嘴！』冇几耐我就见到胡枫，真系好精灵。而家佢要注意身体，食嘢要少啲，唔好似以前食咁多。有一味餸佢之前食得好饱，今次都识得停。到最后有一道叫青瓜嘅菜式，切得好靓，胡枫猛咁望住流晒口水，最后大家只分得极少分量畀佢试味。」薛家燕续说：「佢好叻，胡枫修哥好叻，头脑好精灵。今次因为胆有石，跌入胆管发炎，医生直情讲，胡枫昏迷咗四日，其实我哋都好担心，因为真系好容易走人，话胡枫今次过咗一个大关。」

林建明为有健康体魄调剂心情

林建明称现时的心态同生活节奏与以前不同：「我而家五、六点起身，夜晚我就八点、九点、十点瞓都有，所以夜晚生活出嚟食饭我都少咗，有时唔好意思早走。而家主力学识爱惜自己多啲，冇咩就令自己健康，有健康体魄，调剂自己心情，开开心心。做运动方面，基本每个礼拜打羽毛球，去游泳，不过上个月因为上呼吸道感染就无去。之前不停去旅行，但系今年犯太岁（赤马红羊年），每次 plan 咗旅行，临门都去唔到，好多阻滞。有次我同班朋友去旅行，出发前一星期我跌亲，个膝头烂晒，结果去唔到。几次都系咁，畀晒钱去唔到，所以而家心态就系顺其自然，今年我就唔再去旅行啦。而家要练习点样令自己开心，就系食雪条，又成日喺 YouTube 揾开心好笑嘅片，学习点样令自己开心，要好好调剂生活。」