吴卓羲亲述三大择偶条件爆初出道拍剧7日冇瞓狂NG 崩溃向阿妈爆喊一句话起死回生

更新时间：13:00 2026-10-29 HKT
发布时间：13:00 2026-10-29 HKT

吴卓羲（Ron）近日接受资深传媒人查小欣的网上节目《红查馆》专访，大方回应与张曦雯因合作TVB台庆剧《璀璨之城》而传出的绯闻，而在最新一集访问中，身为圈中「黄金单身汉」的吴卓羲进一步剖白择偶条件与婚姻观，坦言拣老婆最紧要沟通与心灵扶持：「娶老婆你梗系想……要靓啦，要温柔。当然要沟通到，心灵上大家可以扶持下。另外要有共同嗜好啦，例如睇戏、影相。」被问到会否考虑闪婚，他即斩钉截铁拒绝：「我唔会（闪婚）啦。我无设定自己几多岁要结婚，随缘啦。人生工作都咁大压力，呢啲嘢唔好畀咁多压力自己，刻意去揾亦未必有。」

吴卓羲7日冇瞓爆喊想唔捞

谈及演艺工作压力，吴卓羲在访问中重提初出道时搏命拍剧的辛酸史，自爆最高纪录试过连续「七日六夜」冇瞓觉：「你做唔做？唔做大把人做。当时人清醒吗？不清醒。点记对白？记唔到，NG到飞起。」他忆述当年剃头著清装与刘松仁合拍古装剧《英雄．刀．少年》演师徒，挨到第7日最后一日要应付两页纸对白，结果精神透支狂食螺丝：「一开始搞一轮动作，跟住讲对白。第一次，讲咗两句就NG；第二次，第一句就NG；第三次，第一个字我就NG！我顶唔顺，我同导演讲：『导演，我真系搞唔掂，我不如收工啦。』导演话：『唔得㖞，听日唔系呢个景。』最后夹硬挨住、逐个逐个字去拍。」他更坦言当年曾辛苦到在偏远外景场地爆喊，打电话向妈妈哭诉想放弃幕前工作：「打电话畀我妈妈。喊，系啊，喊。我话我唔想做，我话好辛苦。跟住我妈妈同我一齐喊，佢话：『你身为一个男人，你唔做都要拍埋呢部。』我好记得呢一句说话，讲完之后，我就坚持落去。」

吴卓羲拍剧喊足一日体力透支

吴卓羲除了体力透支，亦直言拍喊戏同样令他承受沉重心理压力，更点名与钟嘉欣合作的《缺宅男女》时，有一场喊戏最为煎熬：「你要点样喊得好睇，同埋喊得有戏。你喊得唔好睇，其实观众会出咗去，但你又要保持个样，但你要有𠮶种戏喺度，系一个学问。」他忆述当时全天候陷入崩溃情绪之中：「唔系剩系流眼泪，系崩溃喊。天崩地裂咁，好攰、身心疲累。我同阿钟嘉欣由头到尾都系喺度，你又喊我又喊，好苦咁样。一场戏比一场戏辛苦，坐喺天桥底又崩溃喊，喺码头接受唔到一啲嘢又喊。呢啲崩溃嘅喊其实系好攰。」

吴卓羲片场遇灵异事件

入行多年经常亲身上阵拍动作戏，亦令吴卓羲换来周身伤患，他苦笑细数全身旧患：「手呢啲打到筋膜炎，脚全部都弯弯地。」提到早年与好兄弟林峰合拍经典剧《大唐双龙传》，两人更是一起经历中暑、流血意外甚至片场「俾鬼压」奇遇：「好似拍戏中暑、拍打又受伤，落水呀、吊威亚都好多意外发生。」至于拍剧有否遇过灵异事件，他坦言当年等埋位时试过清醒状态下动弹不得：「拍《大唐双龙传》有试过，我同阿峰（林峰）等紧埋位，我见到佢同我讲嘢，但我动弹不得，可能系太攰。我哋已经做足晒所有礼貌嘅嘢，好似装香啦，去厕所都好有礼貌。」吴卓羲由TVB起步，到返回内地拍剧，至今已成为一位独当一面的演员。