黄妍港铁素颜遇旧爱险吓破胆 Michael C按摩𠱁Serrini父母
发布时间：17:15 2026-10-28 HKT
黄妍、Michael C日前出席「长者港铁安全运动」，透过音乐向「老友记」宣传铁路安全讯息和分享乘搭港铁时的有礼好行为。黄妍自爆与长者倾谈甚有心得，甚至被对方嫌弃「啰嗦」：「佢哋好钟意分享，因为以前读书时做义工，去盲人安老院帮长者写生命回忆录，同佢哋讲少少往事，就好多嘢同你分享。」并笑指车站充满回忆：「大家成日话『最丑样』嘅时候，就会遇到你嘅『前男友』，未入行嘅时候我试过收工时间，冇化妆真系残到吓死人， 𠮶时我好劲近视、戴住副好厚嘅眼镜，点知一行入车厢就见到个『ex』， 好彩佢冇抬高个头见到我。（佢同新女友一齐？）佢自己一个，好彩！如果唔系我即刻拧转面，即刻落车！」黄妍笑言现在充满自信，重遇旧爱都会主动打招呼。
Michael C怂恿黄妍行性感路线
同场的Michael C怂恿黄妍「变身」性感，令她哭笑不得：「我唔明大家做乜咁想睇我着得性感？如果真系要少布啲嘅话，要预早通知我准备，唔好杀我一个措手不及！我成屋最性感嘅衫已经系运动嘅装束，俾我慢慢嚟啦。（性感拍剧演戏得唔得？）唔得！」提到最后两个月冲击乐坛颁奖礼，黄妍大打「开口牌」希望可在颁奖礼中唱歌，即意味获取「歌曲奖项」：「系身边啲人同我讲有啲机会，但唔系我可以控制嘅，我只可以唱好每一首歌 。（同炎明熹争资源攞奖？）我又冇理过，死喇！哈哈哈哈，我系极度『佛系』！」
Michael C赴泰闭关写歌
至于Michael C就透露自己教健身有助沟通，𠱁得Serrini父母欢心：「我就因为本身系健身教练，而家教Serrini父母做GYM，本来伯母唔想嚟，所以我出动按摩环节帮佢松膊头，搞到佢好relax、好开心。而家每一次都问『几时按摩啊？』，我就要佢做完运动先得！」。Michael C更斗胆叫黄妍做GYM修身，着她走性感路线突破自己：「其实佢仲好fit，只系做艺人要突破自己，嚟紧我自己都会去开一个结他音乐会，又会飞到去泰国闭关写歌，希望到时有好好收获，大家又会赏面攞我啲歌去唱。」
