RubberBand回归乐队企划 12月5日共享浪漫Chill级情怀 爆演唱会曾想取名「胶嘢公园」
发布时间：15:45 2026-10-20 HKT
RubberBand《沐光公园》音乐会2026，将于2026年12月5日（星期六）假西九文化区竹翠公园举行。睽违3年，RubberBand带著全新专辑《Komorebi》再次举行专场音乐会，跟大家聚首一堂，吹著清爽的秋风，Chill住唱足一整夜。
RubberBand解构「Komorebi」意思
「Komorebi」来自日本的专有词汇「木漏れ日」，用来形容阳光穿过树叶的光影，今次RubberBand将第11张专辑命名为《Komorebi》，是因为6号被德国导演Wim Wenders执导的电影《新活日常》所启发，他说：「主角每逢放lunch就会喺公园影佢头顶大树透入嚟嘅阳光，呢个正正就系Komorebi嘅画面同埋意境。」过去3年期间，RubberBand除了忙于世界巡回演唱会外，还举行过「RubberBand x 侧田 《Just Rub It》 Live」及「RubberBand x 耀荣文化《同在》 音乐会」，今次回归乐队企划，带著RubberBand《沐光公园》音乐会2026，就是希望乐迷走进公园，听著RubberBand的歌曲，感受这一份「Komorebi」独有的写意与闲适。主音6号道：「『沐光』就好似沐浴喺我哋嘅脸上，同『Komorebi』关系好强，我哋第11张专辑《Komorebi》将于11月尾推出，12月初开show，就系想大家喺呢一种氛围听呢个音乐会。」
RubberBand选择翠竹原因
今次选择在竹翠公园开show，是因为6号的一个浪漫构想，他道：「我脑海有个画面：大家揸车去户外影院睇电影！以前香港都有呢啲活动，而呢啲活动都有一种情怀喺度，好有8、90年代嘅感觉。我哋嘅新碟《Komorebi》里面其中一首新歌〈我永远记得〉，就有呢一种氛围。今次呢个音乐会，就好想透过呢个户外场地，呢一片草地，同呢个好时代连系返。其实除咗《Komorebi》专辑，RubberBand以前好多作品，都呼应一日里面不同嘅光嘅题材，光与音乐交错，我哋可以做一个时空穿梭（Time Travel），同时亦可以幻想自己揸住车入嚟睇我哋嘅《沐光公园》音乐会。」在「沐光公园」之前，音乐会亦曾有过另一个名字——「胶嘢公园」，6号笑道：「当初同音乐会监制细So倾嘅时候，就觉得木漏之日好衬喺郊野公园开音乐会，RubberBand就自然系『胶』啦！虽然呢个名最后未被采纳，但呢个名字背后隐藏住呢班胶胶地嘅人，喺台上会系点样呢？系好正经，还是有啲胶嘢发生呢？都唔奇㗎！」
