林宝玉任女团评审遇「骑呢」参赛者 「最索经理人」被Gen Z潮语考起
更新时间：17:45 2026-10-19 HKT
发布时间：17:45 2026-10-19 HKT
发布时间：17:45 2026-10-19 HKT
字体大小
林宝玉日前为亚洲心动娱乐节目担任评判总监，为该项目选拔女团成员。据悉，今次活动一共招募12位女团成员，并计划正式出道成为艺人，活动不设年龄限制以才华先行。林宝玉透露部分参赛者相当有质素，但亦有部分表现相当「出人意表」，令她面试时要强忍苦笑：「有啲参赛者事前冇乜准备，表现上都只得一半水准，过程仲有好多dead air时间。不过我好欣赏佢份勇气，佢反问我觉得佢表现成点，最后仲话希望大家可以喺女团见到佢嘅表现。好彩我经验丰富，呢啲场面先唔会尴尬到唔识答！」
林宝玉指参赛者多十几岁少女
今次活动专为选拔女团而设，曾担任选美评委的林宝玉，对出任评判总监信心十足：「今次活动虽然不设年龄上限，本来都谂住扩阔年龄层，但嚟面试大多系十几岁少女，感觉几『新鲜』。当然年纪唔系问题，最紧要可以展示女团嘅活力同生气；选美女团始终有啲唔同，选美睇言谈、举止同形象，女团就最睇舞台爆发力。」
林宝玉大开眼界
面对一众年轻参赛者，林宝玉笑言被新世代「潮语」难倒：「Gen Z嘅潮语真系未必明！有个参加者话自己曾经出道做『日系地下偶像』，我真系唔识，仲问佢系咪即系识讲日文？原来意思类似『地下乐队』，即系唱日文歌、跳日系舞嘅少女，但唔喺公开主流场合表演，呢个词真系令我大开眼界！」
