Bob林盛斌力撑18岁大女林霏儿无视负评霸气坚拒「温室育儿」：呢个唔系我嘅家教

更新时间：20:00 2026-10-02 HKT
发布时间：20:00 2026-10-02 HKT

有「娱圈多仔公」之称的Bob林盛斌与太太黄乙颐（Pearl）育有三名女儿林霏儿（Faye）、林熹儿（Haye）、林机儿（Kaye）以及𡥧仔林道申（Jaye），瓣数多多的林盛斌身兼主持、司仪、演员等工作，又是娱乐制作公司老板，吸金力强，传拥10亿身家。为家人有好生活，租住在九龙塘的豪宅，一家六口生活得很开心。

Bob林盛斌赞女儿成熟面对

Bob林盛斌一家向来都网民焦点，尤其18岁大女林霏儿充满个性的性感打扮，不时引来网民关注，但她一放懒理，继续大方展示丰满身材。Bob林盛斌曾希望网民高抬贵手：「小朋友唔系呢个圈嘅人嚟，希望大家能够俾一啲空间佢哋，希望大家可以将焦点放返喺我身上。」日前Bob林盛斌在陈敏之的节目《Chi Chat》上表示：「我好开心佢好作成熟处理，佢唔系扮，系真系好正面去睇。」

Bob林盛斌拒绝收埋女儿不许见人

在节目上，Bob林盛斌表示多年前女儿开始玩 Social Media的时候，已经一早帮佢打「预防针」：「我同佢哋讲：『霏霏、希希、Kiki 边个都好，真系有机会有人会特登入你个 IG/FB 写衰你。因为佢哋可能好钟意爸爸，或者好憎爸爸，所以先会咁对你，你哋要有心理准备。』点知真系有人走入去留言，而佢嘅回应真系好好，我觉得呢个女真系大个喇！最搞笑嘅系，上一次两姊妹出席完活动畀网民批评，我见到二家姐问佢有冇事，点知佢话『冇事呀，都唔系讲我，佢哋讲大家姐咋嘛！』」咁我再大家姐讲，点知佢都同我讲：『OK 呀，冇嘢，唔使理佢哋。』佢哋心脏好强大。」谈到网民对大女的评价，Bob林盛斌表示曾有网民叮嘱他不要再允许女儿出席公开场合：「我就觉得好奇怪，点解会咁嘅？点解会咁谂嘢嘅呢？我唔觉得做父母所谓嘅『保护』，系要收埋个女唔畀佢见人，或者唔带佢出席呢啲场合。因为佢总有一日要见人㗎嘛，永远都有啲场合，先唔好讲公唔公开，佢自己都要出去面对其他人。原来保护佢就系要收埋佢、唔畀人见，或者等佢唔好接触外界咁多？I don't think so！我唔觉得系，我觉得最大嘅保护，做父母嘅应该系要令到小朋友内心强大、勇敢同有自信，建立好自尊心，识得点样去面对人，有𠮶份勇气。我觉得应该系咁样啰。」

Bob林盛斌指大女DSE英语科考获高分

Bob林盛斌续说：「如果可以嘅话，无论系我潜移默化、我教导又好，定系我身教都好，都要话畀佢听，我哋应该点样去面对，对住呢啲攻击、呢啲流言蜚语，或者呢啲令到你唔开心嘅人，我哋应该用咩心态去面对。如果佢真系学识咗，变得越嚟越强大，有强大嘅内心、勇气、自信、自尊心，可以建立到呢啲嘢嘅话，我觉得咁样先至系最大嘅保护。而唔系收埋佢，叫佢匿喺屋企唔好见咁多出面嘅人就当冇事，呢个对唔住，呢个唔系我嘅家教。可能你哋屋企会咁做，我唔评论，我尊重。但你唔需要话我听我应该点样做。我自己都系四个小朋友嘅爸爸，我都有做得唔好嘅地方，我有做得需要再反省检讨嘅地方，但有啲价值观，我觉得我哋屋企、姓林嘅呢一家，应该系咁就系咁。」林霏儿早前透露入读香港演艺学院，不少网民都好奇她将来会否入行，为此，Bob林盛斌说：「佢系咪想入呢行，我暂时就未觉得。不过佢而家喺演艺学院读紧 diploma（文凭），之后佢会升读英语音乐剧嘅Degree，即系𠮶啲唱嘅音乐剧，我都唔知系咪莎士比亚，总之就系𠮶一类啦，《孤星泪》𠮶啲，佢嘅英文系好，DSE 好高分㗎，唔知系一粒星定两粒星、星星𠮶啲啦。」