米兰时装周丨林宝玉被误认名模获店员热情招呼狂买六位数

更新时间：17:15 2026-09-29 HKT
发布时间：17:15 2026-09-29 HKT

早前林宝玉（Connie）远赴米兰有艳遇，被当地型男「抄牌」攞电话。虽然Connie忙于为艺人姚正菁打点，但无损心情齐齐睇Anteprima时装骚，更抽时间Shopping，点知被误会为「名模」，遭遇相当搞笑，「因为嚟到Fashion Week梗系要着得靓靓，帮品牌街拍之后，去到附近名店想睇吓手袋，但系见啲店员对我格外热情，都觉得好奇怪！后来先知道，佢地认错咗我系另一个华人面孔嘅名模，一齐影合照，又安排我去个小角落静静地睇袋，搞到我都忍唔住买咗六位数！」

林宝玉自认贴钱开工

Connie笑指每次去时装周都属「贴钱」开工，难敌购物心魔：「因为呢度啲款真系靓好多、平好多，加上去到外国心情、工作都冇咁繁重，而且购物系可以纾缓压力，所以都忍唔住手！（好大压力？）都系㗎，因为姚正菁新歌即将录好，而我又会有啲幕前嘅工作要两边兼顾。」

林宝玉预告开网台讲时装

呢日林宝玉自爆收藏过百个名牌手袋，笑言收藏品比自己「值钱」：「每次去到时装周心情都会好好，因为可以著好多靓衫，亦会见识到好多丰富眼球。人生最高峰嘅时候真系有超过100个手袋，有啲系收藏品唔会用，加上依家专注时装，会开Channel讲吓服饰，都要有好多『道具』，不过呢啲『道具』比较贵啰！我冇统计过值几多钱，因为着得靓唔系用钱可以衡量，拥有一啲啱自己嘅袋系无价！」