吕良伟首拍荷里活动作电影 克服讲美式英文 大赞导演甄子丹水准高
更新时间：11:45 2026-09-29 HKT
发布时间：11:45 2026-09-29 HKT
发布时间：11:45 2026-09-29 HKT
字体大小
吕良伟、鲍起静、钱嘉乐、田启文、袁丝珩、邓匡闵、李泽欣、李澄晴、王菲、黄泳嘉、阮浩棕、林正峰、阮嘉敏、林晓峰、何佩瑜、胡鸿钧、吴业坤、蔡洁、李尔晨、关嘉敏、许俊豪、谢高晋、庄思敏、张文杰、余洁滢等，以及现任文化体育及旅游局局长罗淑佩，昨日（28日）出席《香港影视界庆祝中华人民共和国77周年招待会》。
吕良伟状态佳
吕良伟状态甚佳，声线清楚。被问如何保养，他说长年坚持运动，令身体更加健康。有没有独门养生秘法？他说当然有，并已用了多年：「不停都为咗寻访啲名师学，学咗咁多年，而家总结咗一个方法，每个人大概一日用十几分钟就练完啦，咁就令你嘅身体好啰。」他透露该套方法已在上海开公益班，约有二、三百人，让人亲身感受：「气功，有功夫有动作。」
吕良伟勤力不马虎
谈及新作，他表示刚刚在欧洲拍摄一部荷里活电影后返港，今次与「宇宙最强」甄子丹合作。「荷里活电影，英语对白啦，对我嚟讲亦都系一个挑战。」被问是否首次拍摄荷里活电影，他回答：「第一次，真正讲英语呢就第二次，但系真正荷里活片呢就第一次。」至于对白多寡及难度，他坦言有难度就要克服：「细细个我哋都系讲英式英文，荷里活要美式英文，发音又要特别唔一样。有专门导师喺周围教我哋，梗系要勤力啦，唔可以马虎。」
吕良伟：打到ending都打！
被问到会否被身兼导演及主角的甄子丹「咬住」不放，吕良伟反而大赞对方：「真系拍得好，觉得佢系一个非常有巧妙嘅导演。（打得劲唔劲？）劲劲哋啦。」表示平日有锻炼，所以动作戏难度不算高。被问甄子丹有否特别照顾他，他笑说：「打，打到ending都打！唔系点叫兄弟？但系真系拍得好，我觉得佢系一个非常有水准嘅导演。（丹爷有冇让几招？）唔系让几招，系设计啲镜头畀我。佢当然会锡住我啦。（有冇骚肌肉？）原本要，但系冇，要就要练㗎啦。」
