陈晓华否认爆粗 惊闻「前绯闻男友」罗天宇认爱陈懿德六次耍手拧头：唔知呀
更新时间：16:48 2026-09-14 HKT
发布时间：16:48 2026-09-14 HKT
发布时间：16:48 2026-09-14 HKT
字体大小
陈晓华、马贯东、韦家雄、王菲、陈熹潼、唐嘉麟、黎泽恩、李海铜和洪曼芹等今日出席无线剧集《死有对证》宣传活动。活动上，演员们分为男女两组，在王菲带领下齐齐做高难度瑜伽，做到第三个动作时，陈晓华临时加码，在台上施展一字马！
陈晓华可能讲嘢太快似爆粗
因为《死有对证》已是3年前作品，陈晓华直言不敢睇剧，她说：「都几怀念，3年前嘅自己都几可爱，𠵱家系大个女。」记者指3年来她的外貌没有变化，陈晓华直说被马贯东笑3年的自己较肥。马贯东即时「补镬」，说：「佢以前真系可爱嘅。（𠵱家唔可爱？）𠵱家系靓啰，成熟女人味！每个人对成熟要求都唔同，睇你觉得几成系熟。」日前Threads有网民cap片，表示陈晓华疑似在其中一幕戏「讲粗口」。她否认：「绝对唔系，知唔知？我有睇嘅，唔系𠮶个字，可能讲嘢太快。」
陈晓华回应粉丝合照骚动
讲回上次宣传时，有粉丝大声要求与陈晓华合照而引起的骚动。她回答：「（有冇惊？）冇，我每次宣传都好开心，𠵱家畀晒时间拍剧，所以每次出嚟都好珍惜，做返陈晓华。大家都系讲道理，沟通清楚就冇事啦，大家开心，见吓我哋。」当日陈晓华穿着大露背，牛仔裤做瑜伽，显得格格不入。她表示「未ready身形」：「叫着运动衫，所以我就着咗件最运动嘅衫。我谂住做瑜伽都系轻轻松松，就拣咗件自己钟意嘅衫。」记者不太满意，她即补充：「我下次着畀大家睇！有机会先！」
陈晓华闻罗天宇恋六次耍手拧头
日前「前绯闻男友」罗天宇公开恋情，陈晓华连忙6次耍手拧头，回应不知情：「我唔知呀！我唔知⋯⋯我唔知呀，我唔知呀。（有冇联络？）有，我哋一齐拍剧嘅。（一齐拍剧都唔话你知？）下次问佢啰，我一定问佢，但系我唔知，我唔知呀。（见到？）我专心拍剧，净系见到周嘉洛、戴祖仪、吴伟豪佢哋。（见唔到罗天宇？）系啰。（羡慕佢拍拖？）随缘，𠵱家冇谂咁多。」
