侧田万圣节开户外show 田式情歌回归扮鬼吹住海风唱歌劲Chill

更新时间：23:45 2026-08-31 HKT
发布时间：23:45 2026-08-31 HKT

侧田宣布将于今年10月30及31日（万圣节前夕），于西九文化区安盛竹翠公园举行两场户外露天音乐会「侧田 2026《再一起 COME TOGETHER》 - 万圣节香港站」。

侧田期待见香港歌迷

近年定居泰国，上一次于香港举行个人演唱会已经是2022年，对于相隔四年再次于香港开show，侧田坦言：「好耐冇见香港嘅歌迷，今次真系好期待，心情有啲紧张，但系更多系兴奋。」今次音乐会他特别选址室外场地，他解说：「之前多数喺室内场馆开，今次想试吓唔同感觉，喺海边吹住风唱歌，望住成个维港景，成件事好Chill、又有气氛，系两个完全唔同嘅feel。」

侧田呼吁扮鬼扮马入场

而且这个show绝对是香港独家，「今次想集中火力、将所有心机摆晒喺呢度，做一个有质素嘅表演，make sure每个细节都做到最好，畀入场嘅歌迷睇到最好嘅一面。」由于开Show当日是万圣节，侧田特别呼吁入场歌迷齐齐配合Dress Code，扮鬼扮马入场，「难得万圣节开show，想同全场歌迷一齐玩，将成个area变做Halloween party！」除了装扮，歌单方面当然不少得乐迷耳熟能详的「田式情歌」，绝对是满满的回忆杀。今次每一位观众更可凭演唱会门票换领一杯酒精/非酒精饮品，等大家可以同侧田一齐high住过Halloween！