《爱回家》大结局被轰火箭式收尾 硬销《三代同糖》网民直斥揸流滩：仲叫乜嘢开心速递？
发布时间：13:05 2026-08-08 HKT
TVB处境剧《爱·回家之开心速递》已于2026年8月7日播出第2868集终极大结局，圆满结束长达九年半的播映岁月。大结局剧情温馨爆笑兼备，惊喜迎来「双喜临门」的完美收场，剧中「熊若水」与「大小姐」龙力莲同时宣布怀孕，令熊、龙两家迎来三代同堂，大四喜更再度合体以Rap压轴演出，熊树根最后一句「记住我哋，后会有期」，不少剧迷在网上洗版式讨论，掀起一轮热话。
网民留言炮轰结局揸流摊
有不少网民留言炮轰结局揸流摊，难睇到令人难以置信：「熊心如、Max同Vivian都冇出现，连提都唔提，安仔叫Bonnie做葱嫂，净系讲熊家啲人齐晒。」甚至还有人说：「大结局promote《三代同糖》至少用咗5分钟，呢套剧唔系得熊家同龙家㗎。熊家好似当从来冇三妹呢个人咁，朱凌凌同池富冇得同家人团聚，仲叫乜嘢开心速递？我唔系要呢个结局啊，编剧你谂紧啲咩？」
相关阅读：爱回家大结局｜熊家成员因熊树根决定留港 熊尚善助龙力莲新公司开幕 大小姐宣布怀孕完美收场
大结局被轰赶收工而胡乱塞满大团圆
随著人气处境剧集圆满落幕，剧中多段交织已久的感情线终于迎来终极走向，瞬间在网络讨论区引发两极评论！有人欢喜有人愁的剧情安排，让一众剧迷看得相当肉紧。对于喜欢喜剧收场的观众来说，大结局的最大亮点莫过于「卜卜脆」罗皓谊与「Terry」李伟健这对欢喜冤家！两人经历重重波折后，有情人终成眷属，不少观众留言表示安慰：「终于等到呢对活宝开花结果！」但最令粉丝崩溃的是，金城安在众人面前亲叫Bonnie做「葱嫂」，随即惹来大批忠实粉丝狂轰，直呼无法接受：「编剧根本喺度伤粉丝的心。」、「根本系鞭观众个尸。」、「10年剧就咁完咗，真系好失望。」不少观众指出，最后几集为了在 2868集死线前完结，所有长年累积的伏笔、接龙集团的争产危机，全部都在短短一两集之内「超高速」解决：「《爱回家》最后两集难睇到难以置信，唔系讲笑。原本仲好期待十年嘅大结局会系点，中间塞个《三代同糖》入去，又唔连贯，佳叔上一秒同龙敢威反面下秒又突然组团庆祝开张，madam ceci吞咗接龙集团又系不明不白，龙力莲莫名其妙有咗个细路，所有现有情侣线突然喺晒一齐 ？好失望，真系好失望！」、「「摆明就是为了赶收工而胡乱塞满大团圆元素，完全没有铺排，看得人一头雾水！」
相关阅读：爱回家大结局丨历年逾30位神级客串逐个数 古巨基变外卖仔最破格 欧阳震华情陷群姐
网民斥大结局牵强同九唔搭八
网民对《爱回家》结局的讨论越讲越激烈，有人更说：「特登开返大结局嚟睇，结果好似畀人喂咗pat屎咁，酒楼影相以为会有红衫鱼客串，结果hardsell《三代同糖》，最后rap都唔知点解会畀风少同素素，又隔硬讲「葱嫂」，无啦啦又整Terry同卜卜脆一齐，大小姐又无啦啦有咗，计划咗咁耐要离开香港，真系会临时因为担心根叔自己一个喺屋企而决定留返底。」、「今次《爱回家》嘅大结局的确有啲牵强同九唔搭八，真心感觉编剧有啲赶收工跟住夹硬交个结局出嚟。」、「唔系感觉，真心戆X，2000𠮶集仲似真结局。」、都无喇喇火箭式收尾，明明之前一系就冇写过，就算有都冇深入写到可以收尾嘅程度，但系全部都即刻由0跳到100，仲有最尾𠮶段kam到爆嘅rap，哇我真系睇到呆咗，我宁愿你bbq。」、「大结局我到底睇X咗啲乜嘢？ 以前好好睇㗎！今个礼拜𠮶啲唔掂都算啦，今集大结局有返啲期望，睇咗头15分钟，好似𠮶啲30秒reels剪埋一齐咁左一忽右一忽。」、「其实演员离巢啫，熊心如未死嘅，熊家都仲记得啤啤，但佢以前最钟意嘅『高脚』呢？ 金城安嘅三姨呢？提下佢个名唔使死嘅，跟著啲cp有啲夹硬，仲要系咁三代同堂，我笑咗 。其实我成年冇开电视，之前都系网上睇重播，为咗个大结局特登开，你整个咁嘅结局，宁愿由第一集开始睇返《爱回家》，都唔睇《三代同糖》。」
相关阅读：爱回家大结局｜7大绿叶身家过亿背景惊人 三太私伙鳄鱼皮Hermès拍剧 苏姐原来是半山楼后
