摩登粤剧《顶头锤》圆满落幕黄德斌望能举行巡演感激粉丝在后台等候

更新时间：16:45 2025-11-21 HKT
发布时间：16:45 2025-11-21 HKT

由卫骏辉、黄德斌、梁非同演出的全新摩登粤剧《顶头锤》，于香港文化中心大剧院一连五场演出经已圆满完成，吸引不少城中名人入场支持。

自觉表现未够完美

主演的黄德斌坦言：「上次《唔讲得》同今次《顶头锤》反应都咁好，多谢Joe揾我。观众入场前冇谂过系一个咁多嘢睇嘅剧目，佢哋可能会以为一个好传统嘅粤剧，我见到佢哋好开心，有啲观众因为感动而流泪。成个团队嘅合作可以俾到观众一个新嘅感受，大家都非常满足，我亦好开心可以同进念团队合作，佢哋俾咗一个喺我做咗咁多年演员之后嘅新体验，再次多谢监制陈善之先生同导演胡恩威先生，同埋所有演员同工作人员，佢哋对我提点好多，例如点样去演绎粤剧，我觉得自己嘅表现未够完美，但我至少尝试过，希望日后有更多新嘅尝试，亦希望《顶头锤》能够巡演，最后要多谢呢几晚喺后台门口等我嘅粉丝。」

喜见观众喜欢《顶头锤》

卫骏辉表示：「对我嚟讲《顶头锤》系一个新尝试，亦都好开心同团队紧密合作咗两个几月，系一个好好嘅过程，我亦好享受呢个成果，大家一齐合作做一件咁创新嘅事，我好开心观众好钟意个剧，由4岁小朋友到80岁嘅婆婆都有嚟睇，剧里面有舞台剧同粤剧嘅元素，有啲初初接触粤剧嘅朋友都觉得几好睇，亦唔闷，我期待再次同进念合作，再次顶头锤。」

艺术创作同创新需要胆量、勇气

监制陈善之（Joe）表示：「多谢大家嚟支持我哋，多谢台上所有演员嘅倾情演出，所有艺术创作同创新都需要胆量同勇气，进念．二十面体一直好坚持呢份胆量同勇气。」导演胡恩威坦言：「呢个戏都好神奇，我十几年前睇呢个剧，当时系由陈敢权导演、高世章作曲嘅音乐剧，非常之精彩，𠮶阵我睇完就觉得不如将佢改成粤剧，我问陈老师可唔可以俾个剧本我改，佢话可以，我就先揾健平负责音乐，再揾阿Joe揾演员埋班，呢个班底好特别，系跨世代同跨界别！」

↓立即下载星岛头条App↓