金像男配角冯皓扬遭「前校长」怒斥忘本 称用尽人脉推佢上金像奖：背后插我一刀
发布时间：16:21 2025-11-04 HKT
21岁的冯皓扬（羊羊）凭电影《妈妈的神奇小子》于2022年夺得金像奖「最佳男配角」，之后一度加入TVB艺员训练班，却上一日堂便火速退学，闹出传不满「艺训班星级导师」风波。前小童星训练学院创办人Momo校长今日（4日）在IG上载影片，点名冯皓扬忘本，还斥对方「插我一刀」、「谋财害命」。
Momo校长揭伤疤
Momo校长留言：「成三年几啦，我谂咗好耐，今日决定将块伤疤揭开。点解？就系想用我嘅教训，等所有心肠好、成日无条件付出嘅人睇清楚，学识点样保护自己，千祈唔好好似我咁，做咗老衬至嚟后悔。#第40届金像奖男配角 #冯皓扬」。
相关阅读：金像奖最佳男配角冯皓扬退修TVB艺训班 疑与预期有落差
Momo校长在片中表示：「我亲手将我嘅学生栽培成第40届金像奖男配角，点知我冇谂过换嚟嘅系佢两母子，喺我背后狠狠咁插我一刀。」Momo校长指有家长曾向她表示：「话冇钱交学费，求我畀个小朋友免费嚟上堂，我心软就应承咗。点不知我后嚟发现原来佢屋企系开发型屋，同埋做生意㗎！」
Momo校长对学生如亲儿子般栽培：「我收咗几年学费，倾囊相授，用尽人脉，推佢上金像奖嘅舞台，佢亦都冇令到我失望，攞到第40届金像奖男配角。」Momo校长指对方为前途提出解约：「佢17岁𠮶年我因应佢嘅要求，同佢无条件解咗本身签咗10年嘅艺人合约，亲手送咗佢入更大嘅舞台。」
Momo校长直言要带眼识人
Momo校长最心寒的是，在领奖的前两日其母亲举动：「佢妈妈嚟咗我屋企度食饭，佢当时嘅一句说话，真系令到我好愕然。佢话点样先至会令到我唔会原谅一个人，我当时仲回答佢，如果有人蓄意令到我旧病复发，我一定唔会原谅佢。」两日后Momo校长坐在台下见证学生获奖，但对方一句感谢她的说话都没有，更与Momo校长划清界线。
Momo校长感到被背叛：「佢为咗划清界线，仲要同人哋讲我哋嘅课程唔系咁正规，周围咁唱我，完全否定咗我5年嚟嘅心血，同埋专业。最终佢仲选择谋财害命，嚟结束我哋呢一段关系。」Momo校长直指两次的教训，令她睇清楚无条件的仁慈，其实是让他人有机会伤害自己，为此领悟到三个道理，「要保持心地善良，但要带眼识人」、「不要轻易信人，一但心软有机会损失惨重，遍体鳞伤」、「对方不珍惜自己的好心，要立即斩榄」。
冯皓扬曾是训练学院「生招牌」
巫丽仪（Momo）校长原是家庭主妇，在13年前一个偶然机会下，开始做中介照顾演员，建立人脉后，加上获童星女儿细Mo启发，在2016年7月创办小童星训练学院（Momo Casting Talent School），报读训练班可在演技、唱歌、跳舞「进修」。训练学院开业仅一年，学生人数已有200人，冯皓扬于11岁时加入学校，曾拍过节目、广告、剧集，成为训练学院的「生招牌」。
相关阅读：冯皓扬后悔放弃读书入行想再进修 金像男配再演残障人士曾经唔开心丨独家
