《中年好声音2》选手撰长文悼念外公含泪约定天国见 曾曝光悲惨童年与母疏离 由公公婆婆照顾长大
发布时间：22:00 2025-10-19 HKT
42岁的黄剑文在娱乐圈浮沉多年，2023年参加TVB节目《中年好声音2》，曾曝光悲惨身世，从未见过生父的他，童年时与母亲关系疏离，自幼随公公、婆婆、姨妈生活，长大后虽然跟妈妈重修关系，却在其26岁生日时母亲自杀离世。黄剑文的外婆两年前逝世，失去亲人的他，昨日（18日）再撰长文悼念外公。
黄剑文外公与世长辞
黄剑文昨日在IG分享多张外公的照片，透露外公与世长辞：「今日参与公公送别礼悼念安息聚会，公公细个就教我，男人流血不流泪，我最记得第一次见到公公流泪嘅时候，大概九年前，婆婆患咗大病做手术，公公见到婆婆喺医院好辛苦嘅样嘅时候，佢忍住冇喺婆婆面前喊，行出病房门口嘅时候，我见着佢崩溃，喊住讲，见到婆婆咁样好阴公，𠮶次佢喊到好似细路仔咁。」
相关阅读：黄剑文澳洲短宣获90岁婆婆感激 12年后重回首次busking地方 赶不及批文照唱45分钟
黄剑文指外公重感情又夫妻恩爱：「见到公公对婆婆嘅爱好深厚，有时唔会用说话去表达，但系公公嘅行为同行动就知道，佢好爱锡婆婆，男人流血不流泪，但系因为触碰到爱，就会落泪。」黄剑文回忆起外公第二次喊到好似小朋友的时候：「就系佢话俾我听佢点样信耶稣。」
黄剑文指外公信耶稣的经历有点特别：「婆婆喺大病，康复完之后，因为婆婆经历到耶稣听祈祷医治佢嘅病，当时我开始陪婆婆返教会，而公公亦都一样，星期日就会陪婆婆一齐去教会。」外公每次返教会，黄剑文都会倾有关耶稣的救恩，又会问外公是否相信耶稣？黄剑文表示：「佢每次都话佢唔信耶稣㗎，但系每次佢听诗歌，都见到佢落泪，但系佢都话佢唔会信耶稣㗎。」
黄剑文获网民慰问
黄剑文透露外公养大九个仔女的辛酸：「同我哋讲佢经历到耶稣，佢话佢喺梦中耶稣同佢讲嘢，佢话耶稣同佢讲叫佢唔使担心，我会看顾你嘅仔女你嘅儿孙。公公以前做苦工养九个仔女，佢工作好辛苦，但系佢自己一力承担，佢冇乜点同人讲过 佢工作嘅辛苦同埋遇到嘅危险，佢话佢喺梦中耶稣俾佢安慰。公公就系咁，佢经历到耶稣俾佢嘅安慰，佢就信咗耶稣，讲嘅时候喊好似细路仔一样。所以七年前嘅5月20号公公同婆婆一齐受浸归入基督」。
黄剑文谨记外公的教导：「公公去天国揾婆婆，我哋迟啲天国见。你教我男人流血不流泪，唔好意思！我今日流泪因为感谢你喺我生命当中，教晓我嘅嘢，你虽然口不会说爱家人，但你行动话俾我哋听，家人嘅重要，你对家人嘅爱，永远怀念你开怀大笑嘅样子。系你话俾我听，你会为我所做嘅感到骄傲 #公公 #多谢你 #爱 #家人」，不少网民向黄剑文送上慰问。
相关阅读：黄剑文演唱会丨殿堂级玉女惊喜现身！大晒麒麟臂台上表演换衫全场起哄
