小仪离职商台｜阮小仪去年于私人屋苑内遭偷拍 入行30年罕动怒：我感到唔舒服
发布时间：11:55 2025-10-10 HKT
【阮小仪/小仪/森美/商台】现年54岁的阮小仪（Kitty Yuen）宣布从香港商业电台（商台）辞职。阮小仪自1994年起加入商台至今已将近30年，曾经为商台主持多个大热节目包括与拍档森美的《早霸王》、《架势堂》等，大受听众欢迎。今日（10月10日）阮小仪在节目《早霸王》中突然宣布自己已经辞职，最后工作日为今年10月31日。
阮小仪离职商台｜吸金力惊人传年赚过百万
阮小仪入行近30年，事业版图横跨电台、电视及电影，吸金力极强，而且阮小仪更涉足出版界、食肆生意，传年赚过百万，本身有车有楼，绝对是圈中小富婆。作为「黄金盛女」，小仪没拍拖逾十年，选择与爱犬同住，去年10月她曾罕有嬲爆发文，指在自家居住屋苑遭人偷拍，令她既担心又不满。
相关阅读：阮小仪宣布辞职指10月31日为最后工作日 効力商台近30年今早开咪突爆震撼弹
小仪去年10月曾在IG贴出一张照片，写下长文表达不满：「话说头先返屋企嘅时候，同一位身材肥肥地嘅女士同䢂，由于我挂住望WHATSAPP，冇留意到佢原来偷拍中，后来因为佢个姿势有啲浮夸，个手机镜头拗向我𠮶边，所以被我发现，而佢即时亦即刻转返去手机板面，点解我知？因为架䢂有镜反映返我睇。当我考虑想出声问问你点解影我呢，但你就出䢂嘞。」
小仪上载一张走廊的照片，并指：「嚡，住9楼嘅呢位女士，下次唔好咁啦，大家左邻右里，其实打个招呼可以好平常，但偷影这回事，我就觉得唔太妥当同埋令我感到唔舒服，因为始终系自己屋苑，大家仲有机会碰面嘛，系咪？（本来谂住忍咗佢，唔出声，但越谂越唔开心同唔知佢影咗乜，所以都系不如出声，希望你睇到之后，请你下次唔好喇，因为架䢂啲镜嘅反映其实好清楚睇到你做乜㗎)」。
小仪公开邻居走廊照
当时不少网民都留言支持小仪：「如果佢真系邻居都仲好啲，最怕佢唔系邻居，而系一个陌生人嚟踩点，咁你就有危险啦」、「支持小仪～ 艺人都要有私隐㗎！」、「证明佢冇听你哋节目，上次都讲咗唔like㗎啦！」小仪8月时都有分享家中照片，当时她将住了十多年的单位重新装修，换上新家私，并指自己每天都好想留在家中。照片中所见，小仪家中客厅宽敞，有张三人梳化，好让她与爱犬安坐，前面有个电视柜，另一边则有张餐桌和半身柜。厨房同厕所就没有特别大搞，但换上新的厨房水龙头，好让这位《美女厨房》二代冠军大显身手。小仪都有分享自己的闺房，虽然一张双人床不算特别大，但对娇小的小仪来说，已足够让她安睡。
