叶蒨文反击整容指控！晒18岁素颜照分析「开眼头」魔鬼细节：边个咁得闲割完对眼植返啲毛

更新时间：21:00 2025-09-08 HKT
发布时间：21:00 2025-09-08 HKT

女神配对计划｜叶蒨文（Sophie）因为演出TVB恋爱真人骚《女神配对计划》，与曾展望（GM）被视为CP人气急升，二人更以「情侣档」接活动，又一齐担任港姐司仪，拍住上揾真钱。不过最后有网民翻出叶蒨文于2016年选港姐时的照片，质疑是否曾整容。

叶蒨文图文并茂澄清

叶蒨文对昔日旧照惹出整容疑云，甚为愤怒，日前在IG及threads上出帖文反击，图文并茂为自己澄清。叶蒨文于深夜发长文怒轰黑粉，又公开18岁时的素颜照，叶蒨文留言：「唔好意思，𠮶阵时三年冇剪头发，披头散发，冇化底妆，仲要画咗条Kam眉同眼线。第一轮面试都算系大热嚟㗎，有图有真相。」

叶蒨文用旧相做对比：「我其实真系唔觉得依家五官都认唔到我，少少夸张㖞，黑粉们。」对于被指「开眼头」，叶蒨文寸爆反击：「仲要话我开眼头先好笑，你知唔知开刀𠮶啲眼头唔会好似我咁，笑嘅时候眼头肌肉弯弯地向下㗎？同埋拍摄近镜时，我连眼头都有眼睫毛㗎，即系有毛囊啊！你觉得边个咁得闲割完对眼植返啲毛囊去个眼头度？」叶蒨文又批评黑粉的言论，比起她选美时的发型更差。

叶蒨文留言安慰粉丝

叶蒨文之后再留言安慰粉丝：「最重要系你搞到我啲粉丝啊，我出名锡粉丝嘅！你要佢哋同你拗，又为咗我嬲，所以我想喺度同我嘅粉丝讲，呢段时间要你哋操心了。唔使理呢啲人，唔好太生气，同埋换一个角度谂，佢哋系觉得我变好咗先咁讲啫。咁好老实讲，人生都系求进步同埋想变得越嚟越好，所以我都会越变越靓，亦都会越变越好，你哋唔使咁生气，嬲呢就伤身啦！咁同埋多咗舆论都系一种宣传啦，知道你哋锡我啦！乖乖，爱你们」。

↓立即下载星岛头条App↓