35岁TVB女星宣布离巢 童星出身曾过档HKTV 去年结婚老公早前身体出问题
发布时间：14:07 2025-08-21 HKT
童星出身的35岁黄美棋与音乐人兼主持钟健威（Ray）去年结束11年爱情长跑，二人结婚只度过15个月，早前钟健威爆出健康出现问题，令黄美棋非常担忧。事隔逾一个月，黄美棋今日（21日）再放震撼弹，宣布离巢TVB。
黄美棋想当年拍第一套剧
黄美棋今日在IG撰长文宣布离巢消息：「等我放个震撼弹先，我要正式离开呢个陪我长大再返嚟追梦嘅地方lu。」黄美棋回想起首次拍剧的情况：「仲记得1994年，喺呢度拍咗我人生第一套剧集：《包青天》，以前嘅TVB系清水湾，大概喺我14岁嘅时候TVB先搬咗嚟将军澳电视城。」
相关阅读：TVB索爆童星老公受一痛症影响将入院 脑部有异样恐有严重暗病 太太打理4间餐厅压力大
黄美棋曾自由身接工作
曾做自由身演员的黄美棋续道：「HKTV开唔到台之后，我做咗几年自由身…但系因为好想拍剧、最后决定返去TVB…继续呢个追梦之旅。」黄美棋坦言工作时有开心亦有失望：「喺呢度8年嘅日子当然有开心唔开心，有期待有等待有失望再期待，而我相信呢一种经历基本上系每个艺人必经嘅阶段…而我最大嘅收获系做到几个我好钟意嘅节目，包括有（香港美食一条街，大玩特玩、玩转粤北粤东懒人包、抢食著数特攻队等等）。」
黄美棋感谢监制打好根基
黄美棋感谢欣赏她的监制及制作组：「能够遇到一啲欣赏我嘅监制同制作组，发掘咗我一啲综艺喜感嘅小宇宙，仲有连续四年做到直播版《欢乐满东华》嘅网上版主持，每次6个钟头嘅直播…成为咗我做直播节目嘅根基。」黄美棋指《救妻同学会》是其最自豪的剧集：「虽然每星期播一集，形式太新颖…不过我依然好记得拍摄嘅点滴。」
黄美棋获益良多感不舍
虽然心中不舍，但黄美棋认为已获益良多：「呢一切都丰富咗黄美棋嘅人生！由一个大番薯，蜕变成为今日拥有有好多唔同节目、大show＋直播经验嘅艺人。虽然心里面都有万般舍不得，但系聚散有时，每件事情都有终结嘅一刻，而我就选择喺呢个时间离开呢个『避风港』，留低最美嘅回忆。」
黄美棋开心与薛家燕合作
黄美棋继续多谢一众幕后：「其实能够喺离开前，同家燕姐有一个旅游节目系天大嘅恩典，好感恩喺咁多年嚟每一位用过我嘅监制…导演…所有幕前幕后嘅工作人员，多谢你哋出现系我嘅生命中。仲有我所有喺公司嘅经理人，要多谢嘅人真系好多，请原谅我唔打晒出嚟。」更点名一人帮助她圆梦。
黄美棋珍惜所有机会
黄美棋不忘感谢老公：「仲有我老公，多谢你咁多年顶住我、撑住我，睇住我入TVB，再睇住我返出嚟，陪我度过每一个时刻！」黄美棋表示不会放弃演艺工作：「『外面风大雨大个市又唔好，留低好d㖞，起码有份粮！』系嘅…外面的确系风大雨大，（所以希望睇到呢个post 嘅PR朋友们都多多关照小妹，尽情揾我做嘢）但系我都好明白，如果宜家唔走，我惊我再无勇气继续去闯，要有向前嘅勇气呀。同埋我嘅离开唔代表我放弃演艺嘅路，我更珍惜所有嘅机会，同埋有更多天大嘅空间去创作。最后多谢公司呢八年嚟俾我嘅所有机会，我拍咗条散水片㗎，过两日有得睇。」
相关阅读：35岁TVB索爆童星认老公脑有事 婚后内地揾银未能照顾在侧 爆老公面呈灰色原因
