「吕良伟豪门旧爱」激罕现身成就非凡 因水晶阵被攻陷芳心 投资失误家道中落与亲人少往来
发布时间：11:00 2025-08-12 HKT
80年代女星、永安百货创办人郭泉曾孙女郭锦恩（Crystal）于1987年在美国当选华埠小姐后，来港加入嘉禾电影并多次在成龙的电影上演出，当时五官深邃兼鬼妹仔的的外貌令郭锦恩火速上位。
郭锦恩激罕现身掀起昔日回忆
郭锦恩在1989年与吕良伟因合作《四千金》而拍拖，曾有指吕良伟为追郭锦恩，专登在家中布下水晶阵（Crystal），令郭锦恩大为感动，不过两人拍拖两年就分手。郭锦恩在1999年与大学同学Richard结婚并育有三子，其后回到美国长居。近日郭锦恩终再现身并接受《流行都市》访问，掀起了不少昔日回忆。
相关阅读：《四千金》郭锦恩久未露面keep得劲好 豪门出身靠自己制作纪录片获奖无数
郭锦恩以表演研究博士身份到港大教书
明年登六的郭锦恩外貌跟当年变化不大，今次她以表演研究博士身份到港大教书：「我喺2014年离开香港去美国，喺夏威夷定居，一住就住咗10几年，不过喺𠮶边好闷，咁我咪去读书，拎咗个博士咪返嚟教书。」郭锦恩笑说自己很爱忙：「初初我嚟香港做嘢，我老窦叫我要磨利一把刀，但系我话唔得，我系𠮶啲叫瑞士军人刀 ，要万能，可以同时间做几样嘢，我钟意充实、挑战自己，将唔同嘅嘢同时做。」郭锦恩婚后育有三个小朋友，问到一日24小时如何分配，她笑说：「 我三个小朋友已经20岁、22岁同25岁，佢哋都大晒，唔通喺屋企竹等老公返嚟食饭咩？梗系做吓自己嘢喇，呢啲系我嘅时间，我又好挂住香港嘅生活，所以咪返嚟香港。」
郭锦恩全力发展第二事业
虽然郭锦恩全力发展第二事业，但她从未有想过会教书：「我做咗咁多年清谈节目，幕前幕后都做过，所以不如同学生交流。佢哋唔知我以前系明星，我播咗一段我喺《飞龙猛将》演出嘅片段，问佢哋知唔知呢个女仔系边个，𠮶阵完全冇人谂过我，直到另一个老师朋友话呢个系你哋嘅教授，佢哋即刻拎出电话出嚟影，我冇谂过摆我幕前嘅历史喺课室，不过我谂如果我有一个咁样嘅教授都会开心，因为都几难得。」全程轻松开朗的郭锦恩，早年曾经历过不挫折：「曾经我嘅大仔喺10几岁嘅时候，令到我有啲非常困难嘅挑战，𠮶阵咁低落，我都尽量揾一个正面嘅角度睇人生。我觉得人生系唔可以停，可以喺你嘅人生揾啲有兴趣嘅嘢，令你笑得出，开心系好很重要。」
相关阅读：68岁百亿身家巨星靠「奇招」10秒消除体内静电 可治身体过劳缺氧、预防糖尿病？
郭锦恩家庭背景非常显赫
郭锦恩当年来港不久被被发现原来家庭背景非常显赫，是永安集团创办人郭泉的曾孙女，爸爸是四房郭琳骧的𡥧仔郭志豪，不过郭锦恩曾表示与家族的亲戚不多往来，印象中只有6岁时曾为永安百货行过骚做模特儿：「爸爸分咗美国嘅产业之后全部投资喺夏威夷发展，点知投资失误搞到血本无归，我可能系郭家最穷嘅人，同其他亲戚都系每年团拜先会见面。」
