邓兆尊揭秘爆选美会潜规则见闻 拒七师傅献计跟太太们玩多人运动丨独家
发布时间：07:00 2025-08-05 HKT
敢言的邓兆尊一度因爆出「劈腿6富豪」的女星而引发话题，之前他和七师傅接受了李婉华的访问，期间，邓兆尊再次爆出猛料，揭示某些选美活动背后不为人知的潜规则。他惊爆多年前为亚姐选美做嘉宾时，完赛后竟有职员递上附有价目的佳丽简介表，大家听就听得多，但由兆尊讲述所见所闻，劲精彩！ 采访：娱乐组 摄影：Benny 场地：牛品台式火锅（香港）
当日李婉华访问了邓兆尊和七师傅，七师傅话当年，爆出和兆尊有渊源：「我觉得佢系好男人，虽然好似古时皇帝一样，只想有新鲜感，唔会掂后宫三千妃嫔，所以当年咪谂住介绍啲港姐靓女畀佢认识，等佢可以百花齐放啰，点知惹怒『把关』嘅3太（G奶陈小姐）！」兆尊却澄清3太只系讲笑冇嬲猪。
拒谈继子女财产分配
虽然3太育有2子女，但兆尊表示接受做继父，两位太太甚至会帮手管教：「我哋相处融洽，佢称呼我乜都得，钟意叫我爹哋我都唔会介意。」多了子女后，问到关于财产分配时？兆尊醒目避谈：「将来嘅嘢冇人会知，呢啲完全系投机性嘅嘢（有冇写定平安纸？）你（记者）做我条女先话你听啦，呢啲系国家私隐唔可以爆，安全性问题唔答得，而且就算有平安纸都可以随时改变，咪傻啦。」
三高受唔起兽性刺激
在旁的七师傅笑指兆尊的太太们已到「狼虎之年」，应付3位中女太太不容易。兆尊却说：「我嘅欲望唔太大，暂时个个都安守本分，OK呀，揾啲少女咪仲烦。」此刻七师傅竟献计：「个个都要排期陪瞓，嘥大家精神，不如同3位太太一齐玩多人运动啦！」邓兆尊闻言耍手拧头，声称从冇玩过：「唔好谂呢啲啦！一只羔羊掉咗落个狮笼入面经已冇喇，更何况畀3只围就渣都冇！」他再笑住补充：「咁样做只会刺激到兽性，我有3高，唔好咁刺激。」七师傅赞扬兆尊够专一，即使身边的女人老了都不会「弃养」。对此，兆尊解释说：「我对住佢哋唔会厌嘅，因为佢哋全部都系我控制范围，唔会有恶妻，而且我受唔起冲击，一冲就散㗎喇，更加冇资格做花花公子，其实我嘅家境只属中上，边个话我有十几亿呀？精子都冇啦。」
赞成体验社会光暗面
被误为「好色」的邓兆尊又再爆料：「10多年前离开TVB后，曾以嘉宾身份到现场睇亚姐竞选，选完后竟有幕后人员送上佳丽简介，里面有7至8个选手注明银码。」兆尊认为这些潜规则都是为了「揾食」而存在，但最奇怪和他完全扯不上关系：「我只系被邀请做参观嘉宾，点解要畀我睇价目表呢？哈！真系一个笑话嚟。」当时兆尊已有两位太太，故觉得系陷阱，冇半点动摇及兴趣，于是睇过就算：「我对呢方面冇乜兴趣，自己本身都好开心。」既然有潜规则，被问到是否仍会赞成女孩子参加选美？58岁兆尊睇得好通透，他拆解说：「每个人有拣选自己赛道嘅权利，至于赛道上点样跑、点样赢、点样失败、点样跌倒，系我哋自己决定嘅嘢，我会鼓励人哋去体验唔同嘅社会光暗面，越后生体验受伤害会越少，坦白讲，唔止系选美，即使一间公司嘅小秘书，随时都可以畀人包养啦，喺社会上每个岗位及职业都会有呢啲嘢发生紧，只不过喺娱乐圈比较敏感及容易发生啲。既然咁，睇下你选择行边个方向，要拣得𠮶个条赛道就要小心啲保障自己。」
另外，沙姐明（林建明）爆当年李婉华拍亚视剧《香港一家人》时同林韦辰有拗撬，婉华却否认：「冇唔开心，可能太紧张对方表现，大声唔等如系嗌交。」不过，她坦言两人好耐冇联络。
