真相猜‧情‧寻丨丁珮回应世纪谜团 亲揭隐瞒李小龙死亡地点真相 直指谣言非常幼稚：全世界妒忌我

由方东升、黄晓莹、李嘉嘉担任主持的TVB节目《真相猜‧情‧寻》7月23日播出第三集，打头阵播出的「李小龙猝死之谜」首播后，在网上制造了不少热话。 今集被誉为「可能是世界上最接近真相的人」的关键人物丁珮，激罕现身接受专访，亲解李小龙死亡之夜谜团。

丁珮赞李小龙是「很有魅力的人」

久违丁珮风采依然，她在节目上直言：「有人讲我一生嘅故事精彩，连剧本都写唔出，太假。」她盛赞李小龙是「很有魅力的人」：「成个世界都钟意佢，我唔钟意佢都唔正常啦，佢钟意我，觉得我哋有缘，或者情人眼中出西施，人哋觉得我唔好，佢觉得我好。」

相关阅读：真相猜‧情‧寻丨「小龙女」丁珮激罕现身亲解李小龙死亡之夜谜团 连环抛金句亲诉二人关系 

丁珮坦承李小龙钟意她的品味

丁珮在节目上先剖白与李小龙的关系：「我冇乜读书，又唔系靓女，不过我唔觉得自己一无是处，除咗我觉得自己个人心地好，唔讲大话，好直接，佢成日都话我心地好，人好爽快，总之觉得我好好。」问到当初如何认识？丁珮说：「咁梗系佢追我喇，唔通我追佢呀？《猛龙过江》佢嘅头发系我带佢去剪，识咗佢之后，佢啲衫系我帮佢拣，因为佢钟意我嘅品味，佢识咗我之后，比以前靓仔咗好多，所以佢哋喺背后叫咗我做『小龙女』。」当年李小龙在丁珮家中猝逝，多年来丁珮是外间认为是少数仍然在世的关键人物，重提50多年前李小龙猝逝的一晚，丁珮在事发后两周录的口供，提到李小龙在当日下午5时到达她的家中，大大约7点头痛，吃了丁珮给的止痛药入了丁珮的房瞓觉，小休后到餐厅会合邹文怀和会合外国朋友。

丁珮未有想过李小龙会死

丁珮在节目上说：「梗系畀佢瞓，我咪喺厅睇电视，邹文怀打嚟问我哋系咪嚟，我咪细细声叫佢，佢冇反应，我咪打畀邹文怀话佢冇反应，邹文怀咪话即刻返嚟。」大约9时45分，邹文怀到达丁珮心家中「叫唔醒」李小龙，10时便由丁珮的私人医生召救护车将李小龙送院，丁珮被问为何未有第一时间叫救护车？她说：「佢（邹文怀）话要等佢返嚟，我一个人都唔知点，佢都要知发生乜嘢事，因为李小龙之前有昏迷过，但系我哋唔知，佢系有医生睇佢，邹文怀做嘅事都系啱，点知揾唔到佢嘅医生，而我嘅医生就喺隔离嘅浸会医院，我哋call医生嚟救佢，点会谂到佢死咗呢？医生嚟咗先话危险，永远都唔会谂到一个『死』字，点会谂到佢死呢？」丁珮又说：「佢（邹文怀）考虑多啲就系啲人点知，但人算不如天算。」

丁珮认邹文怀指示不要提李小龙曾到访她的家

事后有传媒查出李小龙由丁珮家中离开，二人的地下情曝光，丁珮由最初否认李小龙在自己家中昏迷，到后来与邹文怀改口指李小龙来倾剧本，丁珮解释：「邹文怀走嘅时候讲，Betty啊你唔好讲李小龙喺你屋企送去医院㖞。」当年丁珮的口供亦提到是按邹文怀的指示：「邹文怀话叫我唔好讲，系屋企人嘅意思，咁我都明白，唔想我讲唔通我话一定要讲？我梗系要尊重佢哋屋企人嘅意见。」当知道李小龙离世，丁珮坦言惊多于伤感：「除咗因为唔知发生乜嘢事好惊，仲有乜感受？我都唔知系咪一片空白，𠮶阵我得26岁。」自此丁珮沦为众矢之的，谈及当年的种种传闻，她直指谣言非常幼稚：「我都唔知好嬲定好笑，啲人话我畀咩毒药佢食，真系乜嘢谣言都有，往生仲讲得好难听，话佢食乜嘢春药，乜嘢『西班牙苍蝇』，我一生都冇听过呢啲。」丁珮还说：「呢个世界梗系妒忌我，因为得我一个人得到李小龙，我唔想得到佢，但系我得到佢。」

相关阅读：真相猜‧情‧寻丨美军调查李小龙死因真相曝光 传记作者李志远提出两大疑点 丁珮终极现身释疑虑

丁珮坦言事件困扰自己逾50年

当时死因庭的结论是李小龙的死，可能由于药物敏感而引致脑水肿，丁珮说：「头痛药佢以前都食过，我同我阿妈都有食过，讲句唔好听，就算佢真系食头痛药而死，咁都冇办法，头痛药又唔系我发明嘅，点解啲人一定要赖我？」丁珮坦言事件困扰自己逾50年：「所有嘢我都系被动，冇少少系主动。我自细好怕死又怕鬼，突然间有咁嘅事出现，我半闭关，唔想见人，同埋我都失去咗一个最钟意我嘅人，我自己最钟意嘅人。」丁珮亦留严重后遗症：「我睇到边个瞓觉，咪睇吓佢有冇死，到而家都系。我觉得李小龙嘅死叫做善终，即系瞓觉往生，系最好嘅往生。」丁珮更由生不如死到学会「打不死」：「𠮶阵啲人都想我死，我就同自己讲，我点解要死？如果我死咗，啲人会以为我畏罪自杀。我冇做亏心事，就唔怕鬼敲门，『行得正；企得正』，佢嘅死就系我嘅生，佢唔死我冇今日，我唔会得道，唔会认识自己。我要报答佢，佢睇好我，我更加要做自己。」

李振辉提及李小龙身体好似18岁后生仔

今晚一集除了有丁珮专访，还有三位重点被访者，分别为香港首位药物敏感医生李曦、衞生署法医科前主任顾问医生潘伟明与及李小龙胞弟李振辉。李曦医生及潘伟明资深法医，将详细分析李小龙的身体检查报告，并会以累积多年的专业意见，推测真正死因！李曦医生看完李小龙的验尸报告和医疗记录，加上其他人的描述，觉得李小龙不像是因急性药物过敏而死：「佢应该好快有征状，或者冇咁快致命，佢都有机会去求救或者去讲佢自己唔舒服。第二就系佢以前冇病史，但佢食过𠮶个药，虽然唔系话一定唔系药物过敏，但第一次已经致命机会极少。第三就系解剖报告，我真系觉得如果佢真系因为药物急切咁致命，应该气管收窄机会极高，应该做解剖会见到个气管有收窄，但佢就完全正常。反而有啲好唔常见嘅脑肿，所以我觉得又唔系好吻合药物过敏嘅。」排除药物敏感后，李小龙的爸爸及哥都是在睡梦中离去，曾有人提出会否与家族病因有关时，李小龙的弟弟李振辉则不认同：「李小龙喺1973年曾经返美国做身体检查，有两个医生验过佢身体，认为佢身体好似一个18岁嘅年青人咁，系完全冇问题。」

专家称李小龙急性药物过敏而死的机会很低

而资深法医潘伟明与李曦的看法相同，认为李小龙急性药物过敏而死的机会很低。李小龙当年5月时曾经发烧及呕吐，有可能李小龙两次出事就是「癫痫症」：「癫痫症可以解释晒所有嘢，如果真系一个原发性嘅癫痫症，咁系有机会引致一个突然嘅死亡。」潘伟明还称这一个原因，亦多数为睡眠中发生，所以就能解释为甚么没有人发现他病发。当时李小龙在美国检查时，医生有处方止抽筋药予李小龙服用，但没法知道他有否按时服用，所以无法得知真正的死因。李小龙送院时，有救护员提及邹文怀说过李小龙曾患「脑痫症」，邹文怀在访问上亦承认曾说过「李小龙似乎系发羊吊」，但当年验尸报告向他是药物敏感。有不愿意透露身份的人士表示，有机会因为70年代的医疗水平仍未发达，还有可能是当时有人想保护李小龙的英雄形象，避免与脑痫症扯上关系，不过莲达否认李小龙有这个病。