Anson Lo与5千神徒共聚亚博庆生 视30岁为转捩点：要勇往直前！罕有提及手术后留医感激家人照顾
发布时间：22:25 2025-07-06 HKT
卢瀚霆国际后援会为庆祝Anson Lo生日，精彩活动一浪接一浪，除早前举行的《Anson Lo & Sontos - Together We Glow Popup Store》、《Anson Lo Charity Pet Walk》外，7月6日晚上于亚洲国际博览馆举行《Together We Celebrate》生日会，吸引5千神徒到场参与！
AL向每个角落的神徒打招呼
活动定于晚上7时开始，但早于下午时份神徒已经排队等候入场，粉红人海非常震撼，令生日会变身Anson Lo嘉年华！呢次生日会继续由Anson Lo好友娟姐（练美娟）担任主持，当卢瀚霆现身时全场尖叫，他亦非常「宠粉」向每个角落的神徒打招呼，感谢大家的生日祝福。
粉红色花车绕场答谢观众
Anson Lo与神徒先玩两个小游戏热身，然后在场内坐粉红色花车绕场献唱歌曲，近距离亲近神徒表达谢意！其后大会推出生日蛋糕，全场5千位神徒一同合唱生日歌，令到Anson Lo非常感动：「我估唔到今年可以咁大规模，一次过过咁多人，你成日听人讲29+1，其实可以直接讲30，我系唔介意嘅！系呀，我今年30岁啦，除咗越嚟越Man啦，我觉得都系一个转捩点，一啲以往嘅遗憾、挫败都摆埋一边，要勇往直前先！除咗事业之外，我觉得承担感都重咗好多，除咗照顾屋企人嘅责任，仲有照顾每一位神徒，想每一日大家都开心，你哋靠住我嘅时候都有被保护嘅感觉。」
与Eason 同台似完成愿望
生日会后，Anson Lo接受访问，他坦言神徒给予他好多力量：「见到好多神徒真系好开心，佢哋俾咗好多力量我！正日生日我要去做School tour，要工作其实都好开心，公司帮我留起夜晚时间同屋企人一齐庆祝。」早前要做手术的Anson Lo亦透露手术后要留医数天，幸得家人照顾：「今次手术要好多谢屋企人全家一齐照顾，我要留医几日，屋企人每日都会嚟探我，除咗煮嘢俾我食之外，仲会陪我好长时间，助手仲留低陪足我几日添！」提到《Anson Lo Charity Pet Walk》，他说：「我好了解Amber嘅脾气，我知道佢大部分时间都好兴奋，加上佢好钟意亲近人，呢个慈善活动佢会好开心！辛苦神徒大热天时参加，有意义之余又好有Powerful！」而昨日MIRROR为音乐会演出，更与陈奕迅（Eason）一同合唱，Anson Lo表示Eason跟队友们逐个击掌非常热情：「好开心可以同Eason同台演出，仲可以企佢隔篱唱歌跳舞，好似完成咗一个愿望咁！Eason前辈佢系超级热情，即使一日之内见足我哋几次，但每次佢都会同我哋全队逐个人击掌。喺彩排时，我已经感受到前辈对音乐嘅热诚，不停俾意见精益求精！」佢仲自爆全队MIRROR都非常兴奋，在后台时可以逐一影相，更表示Jer是最兴奋，回到后台都未能冷静。
