Edan透露Anson Lo康复进展良好开始练舞 谈姜涛遭受质疑︰最紧要佢而家OK
发布时间：20:45 2025-07-03 HKT
MIRROR成员吕爵安（Edan）与花剑运动员蔡俊彦、小仪，今日（4日）出席「KALOS x SQUID GAME 3期间限定店」开幕礼。对于证实加盟韩剧《模范的士3》演出，更大晒与剧中演员李帝勋、金义圣及裴侑蓝等的合照。Edan表示感恩有机会可参与外地有口碑的制作，他跟李帝勋有很多对手戏，并籍此机会跟对方学习。
Edan《模范的士3》角色不用说韩文
Edan说：「我个角色冇讲韩文，佢哋英文好叻，主要以英文沟通，呢部剧预计今年年底播出。」谈到冲出香港拍韩剧，不少「爵屎」戥他高兴，Edan笑言有得参与好开心，从未想过，深感「呢件事太黐线」，希望将来跟MIRROR队友都有机会参与外地制作，大开眼界。Edan又大赞当地制作快手又专业，事前准备十分充足，值得他们参考学习。
提到将于8月16至17日两日举行《EDAN LUI "e to E" LIVE 2025》演唱会，优先预订门票于40分钟内售罄，现场「爵屎」大叫要求加场。Edan说：「好开心今日卖晒飞，希望可以加场，如果可以嘅话加咗一场先。」他表示完成手头上工作后会「闭关」，为演唱会作准备，除了练歌、练舞之外，都会练定肌肉，笑指视乎「骚」几多，服装形象方面还要未落实。
Edan谈姜涛被卢觅雪质疑
提到姜涛早前发生堕海事件，Edan坦言当时睇到新闻感到愕然，也立刻关心对方有无事。他说：「我哋之后排舞见面，佢都OK，所以大家唔使担心！」谈到不少人担心姜涛情绪，Edan坦言作为队友、兄弟会作出最大支持和鼓励，队友间有甚么事情也会互相关心。对于早排在旺角麦花臣举行「《吕涛米Lo Seoul》旅友旅途分享会」取消了与粉丝游戏的互动环节，并延期至7月29日再次举行活动，Edan说：「我都系听公司安排，相信姜涛都想做呢件事，希望大家安心。𠮶日可能太赶，啲粉丝到晒喺会场出面，所以唔想大家一场嚟到失望，就同大家见吓面、影相、Say Hi！之后会补返同大家好好见面。」至于姜涛发生堕海事件后，商台主持人卢觅雪于节目《在晴朗的一天出发》中，批评姜涛的言论，质疑睇日落说法。Edan说︰「我觉得每人睇每件事，大家有唔同睇法，可以有唔同意见。姜涛咁讲，我就咁听，大家唔需要有太多猜测，最紧要佢而家Ok！相信佢都唔会再做错误示范。（有指卢觅雪系「姜糖」）系咩！我相信佢都系关心同行后辈情况，先有呢个睇法，其实大家喺呢个圈，对呢件事都关心，我见到大家对呢件事好关心同担心。」
Anson Lo已可排舞
提到Anson Lo早前做完手术，Edan表示他当然知道，别人的私隐不谈，对方手术顺利，康复程度佳。他说：「呢几日排舞见到佢，佢已经跳紧舞，大家唔使担心，稍后佢都会上台表演畀大家睇。」提到队友接二连三出事，问到是否不够时间休息？Edan说：「如果我哋有唔舒服，可以同公司讲『可唔可以唞一唞？』公司会配合，当然唔可以乱嚟！公司无可能逼到我哋，系有自主权。」
