泰臣：「想『碌卡』揾佢做旁白！」邀刘松仁出山任舞台剧顾问

更新时间：16:45 2025-07-01 HKT
发布时间：16:45 2025-07-01 HKT

艺人泰臣近日为天主教圣玛加利大堂一百周年舞台剧《百年人海》担任导演，除率领一众「教友」演戏外，更邀请刘松仁担任剧组顾问。这日两人为舞台剧拍摄宣传片，未埋位时已经「密密倾」剧本，松哥笑指多年来已学懂「抽离」，今次未有趁机发掘「徒弟」：「我做戏做完就系做完，每次大项目都很大压力，因为我要思考谂到『头都爆』，要代入观众嘅角度发现问题，同时要谂定点解决！」

松哥在TVB已留意泰臣

松哥笑言未曾和泰臣合作过，但看过对方舞台剧演出，印象深刻：「之后睇佢喺TVB做戏，觉得佢好突出，留低一个好好印象俾我。我唔知佢做导演嘅功力有几多，但见到佢好投入、好认真，揾咗佢返嚟呢个系圣堂嘅福气。」泰臣喜获松哥认同，表示定必使出浑身解数，更自爆想邀对方出山任剧组旁白：「我有问佢啊，但佢冇覆我！不过佢刚刚话『卖关子』先，即系都仲有弯转有机会嘅！今次素人剧组比咗好大惊喜我，除咗松哥比好多意见我地，仲有唔同界别精英帮忙，真系发掘唔少宝藏！」

↓立即下载星岛头条App↓