BIG FOUR相隔13年出新歌玩足球机大战张衞健自爆「大闹古装街」百厌往事

更新时间：16:15 2025-06-24 HKT
发布时间：16:15 2025-06-24 HKT

由张衞健（Dicky）、许志安、苏永康（阿公）和梁汉文（Edmond）组成的BIG FOUR，将于8月9至11日举行一连三场红馆演唱会，相隔13年推出新歌《赤子们》并拍摄MV，邀得金像奖最佳剪接李谦明担任MV导演，四子在镜头前后尽显默契连爆笑料，MV其中一幕，四子以包揼方式分成两队大玩足球机，Dicky和安仔大战阿公与Edmond，玩得非常投入，Dicky更激动得举起足球机的一边，笑言是「三十六计，搬为上计」。阿公、Edmond最终以15比8获胜，阿公更获封「神射手」，他指着Edmond假装生气说：「呢个衰公最初Part到我时嗌『哎吔』！」Edmond笑言：「最唔想Part到你啰，但估唔到你系呢场波嘅『神射手』！」

撞烂古装街玻璃

BIG FOUR在镜头后同样玩得开心，安仔等埋位时除去西装外套抖凉，阿公立即拿起摄录机拍摄他强壮的手臂，又一齐偷伯准备中的Edmond，现场笑声不断。此外，安仔的歌迷还精心准备应援食物给台前幕后，非常有心。四兄弟勾起不少难忘回忆，Dicky大爆90年代在清水湾电视城「大闹」古装街一事，Edmond闻言紧张问道：「呢单嘢讲唔讲得㗎？」Dicky说：「讲得，佢哋啲高层都知，你唔知我俾高层捉咗入去咩？我哋夜晚去古装街玩，十个人分成两边，匿埋再追射……」安仔补充说：「周润发、赵雅芝拍《上海滩》，周润发冲入教堂𠮶个位。（阿公大叫：程程！）就系撞烂晒𠮶度啲玻璃。」Dicky又描述当时的情况：「有人当咗自己系队长，揸住支枪去到玻璃𠮶度『轰』一声，真系亨爆咗块玻璃，再队支枪出去话『一齐嚟！』我唔敢，呢个人系四个当中其中一个。隔咗两日，有人话珍姐（曾励珍）想见你，珍姐话『你哋玩到冇嘢好玩？系咪好挂住返嚟古装街开工？有冇搞错，教堂块玻璃俾你哋打烂，要你赔添呀，呢度唔系俾你玩。』我话知道。」安仔笑说：「成条古装街地下都系BB弹。」Dicky再分享：「我哋试过『走鬼』，因为有保安听到声。」Edmond说：「佢揸架保安车入嚟，开个大灯照住我哋话『你哋好出嚟啦喂』，跟住张衞健匿埋喺车底，太多好笑嘢。」